செய்திகள்
ஐசிசி தரவரிசை

ஐசிசி டெஸ்ட் தரவரிசை: விராட் கோலியை பின்னுக்குத் தள்ளி 2-வது இடம் பிடித்தார் ஸ்டீவ் ஸ்மித்

Published On 2021-01-12 10:16 GMT   |   Update On 2021-01-12 10:16 GMT
ஐசிசி டெஸ்ட் பேட்ஸ்மேன் தரவரிசையில் விராட் கோலியை பின்னுக்குள் தள்ளி ஸ்டீவ் ஸ்மித் 2-வது இடத்திற்கு முன்னேறியுள்ளார்.
டெஸ்ட் பேட்ஸ்மேன் தரவரிசையை ஐசிசி வெளியிட்டுள்ளது. இதில் நியூசிலாந்து அணி கேப்டன் கேன் வில்லியம்சன் முதல் இடத்தில் நீடிக்கிறார். சிட்னி டெஸ்டில் சதம், அரைசதம் அடித்த ஸ்டீவ் ஸ்மித் 2-வது இடத்திற்கு முன்னேறியுள்ளார்.

2-வது இடத்தில் இருந்த விராட் கோலி டெஸ்ட் போட்டியில் விளையாடாத காரணத்தினால் 3-வது இடத்திற்கு பின்தங்கியுள்ளார்.

இரண்டு இன்னிங்சிலும் அரைசதம் அடித்த புஜாரா 2 இடங்கள் முன்னேறி 8-வது இடத்தை பிடித்துள்ளார். ரகானே ஒரு இடம் சரிந்து 7-வது இடத்தை பிடித்துள்ளார். டேவிட் வார்னர் 3 இடங்கள் சரிந்து 10-வது இடத்தை பிடித்துள்ளார்.

லாபஸ்சேன் 4-வது இடத்திலும், பாபர் அசாம் 5-வது இடத்திலும் நீடிக்கின்றனர்.
Tags:    

Similar News