தொழில்நுட்பம்
சியோமி லேப்டாப் இந்திய வெளியீடு உறுதியானது
சியோமி நிறுவனம் தனது Mi லேப்டாப் மாடல்களை விரைவில் இந்திய சந்தையில் அறிமுகம் செய்ய இருக்கிறது.
சியோமி நிறுவனம் சீன சந்தையில் அதிக லேப்டாப் மாடலை விற்பனை செய்து வருகிறது. இந்திய சந்தையில் இவை அதிகம் எதிர்பார்க்கப்பட்டு இருந்தன. தற்சமயம் இவற்றின் இந்திய வெளியீடு உறுதியாகி இருக்கிறது.
சியோமி நிறுவனம் தனது Mi லேப்டாப் மாடல்களை விரைவில் இந்தியாவில் அறிமுகம் செய்ய இருப்பதாக அறிவித்துள்ளது. சியோமி இந்தியா மற்றும் அதன் நிறுவன அதிகாரிகள் புதிய லேப்டாப் வெளியீடுகளை உணர்த்தும் வகையில் வீடியோ டீசர்களை வெளியிட்டு இருக்கின்றன.
சியோமி இந்தியா ட்வீட் விவரங்களின் படி ரெட்மி புக் லேப்டாப் மாடல்கள் இந்தியாவில் Mi லேப்டாப் மாடலாக வெளியிட இருக்கிறது. புதிய லேப்டாப் மாடல் விவரங்கள் வரும் நாட்களில் வெளியாகும் என தெரிகிறது.