விரைவில் புது ஸ்மார்ட் டிவியை அறிமுகம் செய்யும் சியோமி

சியோமி நிறுவனம் எம்ஐ டிவி 4ஏ ஹாரிசான் எடிஷன் மாடல்களை கடந்த ஆண்டு செப்டம்பர் மாதத்தில் இந்திய சந்தையில் அறிமுகம் செய்தது. இந்த சீரிசில் 32 இன்ச் ஹெச்டி ரெடி மற்றும் 43 இன்ச் புல் ஹெச்டி மாடல்கள் இடம்பெற்று இருந்தது. 

இந்த நிலையில், தற்போது புதிய 40 இன்ச் அளவில் ஹாரிசான் எடிஷன் மாடலை ஜூன் 1 ஆம் தேதி இந்தியாவில் அறிமுகம் செய்ய இருப்பதாக தெரிவித்து உள்ளது. புதிய ஸ்மார்ட் டிவி ஹாரிசான் டிஸ்ப்ளே மற்றும் பெசல் லெஸ் டிசைன் கொண்டிருக்கும் என சியோமி உறுதிப்படுத்தி இருக்கிறது.

முந்தைய ஹாரிசான் எடிஷன் மாடல்களில் விவிட் பிக்ச்சர் என்ஜின் வழங்கப்பட்டு இருந்தது. புது மாடலிலும் இந்த அம்சம் வழங்கப்படும் என தெரிகிறது. இத்துடன் அதிக ஸ்கிரீன்-டு-பாடி ரேஷியோ, 20 வாட் ஸ்பீக்கர்கள், டிடிஎஸ் ஆடியோ மற்றும் பல்வேறு அம்சங்கள் வழங்கப்படலாம்.