தொழில்நுட்பம்
விரைவில் வெளியாகும் 2021 ரெட்மி நோட் 8 ஸ்மார்ட்போன்
சியோமி நிறுவனத்தின் 2021 ரெட்மி நோட் 8 ஸ்மார்ட்போனிற்கான டீசர் வெளியாகி இருக்கிறது. இதன் விவரங்களை பார்ப்போம்.
சியோமி நிறுவனம் 2021 ரெட்மி நோட் 8 ஸ்மார்ட்போன் வெளியீட்டை உறுதிப்படுத்தி இருக்கிறது. விரைவில் இந்த ஸ்மார்ட்போன் சர்வதேச சந்தையில் அறிமுகமாக இருக்கிறது. சர்வதேச சந்தையில் இதுவரை சுமார் 2.5 கோடிக்கும் அதிக ரெட்மி நோட் 8 யூனிட்கள் விற்பனையாகி இருப்பதாக தெரிவித்துள்ளது.
கடந்த ஆண்டு மே மாதத்தில் ரெட்மி நோட் 8 சீரிஸ் விற்பனை சுமார் 3 கோடி யூனிட்களை கடந்ததாக சியோமி தெரிவித்து இருக்கிறது. இந்திய சந்தையிில் ரெட்மி நோட் 8 சீரிஸ் மாடல்கள் 2019 அக்டோபர் மாத வாக்கில் அறிமுகம் செய்யப்பட்டது. கிட்டத்தட்ட ஒன்றரை ஆண்டுகள் கழித்து இதன் மேம்பட்ட மாடல் அறிமுகமாக இருக்கிறது.
புதிய 2021 ரெட்மி நோட் 8 ஸ்மார்ட்போன் M1908C3JGG எனும் மாடல் நம்பர் கொண்டிருக்கிறது. எப்சிசி வலைதளத்தின் படி இந்த ஸ்மார்ட்போன் மீடியாடெக் ஹீலியோ ஜி85 பிராசஸர், MIUI 12.5 சார்ந்த ஆண்ட்ராய்டு 11 மற்றும் 4000 எம்ஏஹெச் பேட்டரி, 22.5 வாட் பாஸ்ட் சார்ஜிங் வசதி வழங்கப்படும் என கூறப்படுகிறது.