ஆட்டோமொபைல்
கவாசகி வெர்சிஸ் 1000

ரூ. 11.19 லட்சம் விலையில் அறிமுகமான புதிய கவாசகி மோட்டார்சைக்கிள்

Published On 2021-01-06 09:50 GMT   |   Update On 2021-01-06 09:50 GMT
கவாசகி நிறுவனத்தின் 2021 வெர்சிஸ் 1000 மோட்டார்சைக்கிள் இந்திய சந்தையில் அறிமுகம் செய்யப்பட்டது.


கவாசகி நிறுவனம் 2021 வெர்சிஸ் 1000 மோட்டார்சைக்கிள் மாடலை இந்திய சந்தையில் அறிமுகம் செய்து இருக்கிறது. இந்தியாவில் 2021 கவாசகி வெர்சிஸ் 1000 மாடல் விலை ரூ. 11.19 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

இது 2020 வெர்சிஸ் 1000 மாடலின் விலையை விட ரூ. 20 ஆயிரம் வரை ஆகும். புதிய 2021 கவாசகி வெர்சிஸ் 1000 மாடலில் 1043சிசி, இன்-லைன் 4 சிலிண்டர் என்ஜின் வழங்கப்பட்டு இருக்கிறது. இந்த என்ஜின் 118.2 பிஹெச்பி பவர், 102 என்எம் டார்க் செயல்திறன் வழங்குகிறது.



இத்துடன் 6 ஸ்பீடு கியர்பாக்ஸ் மற்றும் ஸ்லிப்பர் கிளட்ச் வழங்கப்படுகிறது. புதிய 2021 வெர்சிஸ் 1000 மாடலில் 5 ஆக்சிஸ் போஷ் ஐஎம்யு சிஸ்டம், குரூயிஸ் கண்ட்ரோல், 2 பவர் மோட்கள், கார்னெரிங் ஏபிஎஸ், டிராக்ஷன் கண்ட்ரோல் மற்றும் மூன்று ரைடிங் மோட்களை கொண்டிருக்கிறது.

2021 கவாசகி வெர்சிஸ் 1000 மோட்டார்சைக்கிளில் புல் எல்இடி ஹெட்லேம்ப், 21 லிட்டர் பியூவல் டேன்க் வழங்கப்பட்டு உள்ளது. இந்த மாடல் டூயல் டோன் நிறங்கள்- கேண்டி லைம் கிரீன் மற்றும் மெட்டாலிக் ஸ்பார்க் பிளாக் என ஒற்றை நிறத்தில் மட்டும் கிடைக்கிறது.
Tags:    

Similar News