நொடிகளில் விற்றுத்தீர்ந்த பிஎஸ் 5

இந்தியாவில் சோனி நிறுவனத்தின் புதிய பிஎஸ் 5 கேமிங் கன்சோலுக்கான விற்பனை நடைபெற்றது. 12 மணிக்கு துவங்கிய விற்பனை நொடிகளில் நிறைவுற்றது. அமேசான் தளத்தில் மட்டும் பிஎஸ் 5 யூனிட்கள் சில நிமிடங்கள் விற்பனைக்கு இருந்தது. ப்ளிப்கார்ட் தளத்தில் 12 மணிக்கே விற்றுத்தீர்ந்ததாக அறிவிக்கப்பட்டுவிட்டது.

இதேபோன்று கேமிங் சார்ந்த பல்வேறு வலைதளங்களில் பிஎஸ் 5 விற்பனை நடைபெற்றது. எனினும், சில தளங்கள் விற்பனை துவங்கியதும் முடங்கி போயின. இந்த முறையும் முன்பு போலவே சோனி நிறுவனம் மிக குறைந்த யூனிட்களை விற்பனைக்கு கொண்டு வந்திருக்கும் என தெரிகிறது.

இதுதவிர புது கேமிங் கன்சோலை வாங்க இந்திய வாடிக்கையாளர்கள் அதிக ஆர்வம் செலுத்துகின்றனர். முன்னதாக பிஎஸ் 5 விற்பனை இந்தியா அல்லாத நாடுகளில் நடைபெற்றது. அங்கும் பிஎஸ் 5 வாங்க பலத்த வரவேற்பு இருந்ததால், விற்பனை நிமிடங்களில் நிறைவுற்று போனது.