ஆட்டோமொபைல்
ஹோண்டா மாடல்களுக்கு அதிரடி சலுகை அறிவிப்பு
ஹோண்டா நிறுவன மாடல்களுக்கு அதிரடி சலுகை அறிவிக்கப்பட்டு இருக்கிறது.
ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் தனது வாகனங்களுக்கு ஆண்டு இறுதியை முன்னிட்டு சிறப்பு சலுகை மற்றும் தள்ளுபடி உள்ளிட்டவைகளை அறிவித்து இருக்கிறது. அதன்படி எஸ்பி125, ஷைன் மற்றும் கிரேசியா மாடல்களுக்கு அசத்தல் சலுகைகள் வழங்கப்படுகின்றன.
இவை தள்ளுபடி, கிரெடிட் மற்றும் டெபிட் கார்டு கொண்டு பணம் செலுத்துவோருக்கு கவர்ச்சிகர நிதி சலுகை உள்ளிட்ட வடிவங்களில் வழங்கப்படுகிறது. மேலே குறிப்பிடப்பட்ட மாடல்களை கிரெடிட் அல்லது டெபிட் கார்டு மூலம் மாத தவணை மூலமாகவும் வாங்கிக் கொள்ளலாம்.
மேலும் நிதி சலுகையுடன் ரூ. 5 ஆயிரம் கேஷ்பேக் சலுகையும் வழங்கப்படுகிறது. எனினும், இந்த சலுகைகள் குறுகிய காலக்கட்டத்திற்கு மட்டுமே வழங்கப்படுவதாக ஹோண்டா அறிவித்து இருக்கிறது. கார்டு சார்ந்த மாத தவணை வசதி பைன் லேப்ஸ் மூலம் அனைவருக்கும் வழங்கப்படுகிறது.
இதனால் மாத தவணை சலுகையை பெற கூடுதல் ஆவணங்கள் மற்றும் வங்கி கணக்கு உள்ளிட்ட விவரங்களை வழங்க வேண்டிய அவசியம் இருக்காது.