தொழில்நுட்பம்
இன்

மைக்ரோமேக்ஸ் இன் சீரிஸ் மாடல்கள் முன்பதிவு துவக்கம்

Published On 2020-11-10 05:18 GMT   |   Update On 2020-11-10 05:18 GMT
மைக்ரோமேக்ஸ் நிறுவனத்தின் இன் பிராண்டு ஸ்மார்ட்போன்களின் முன்பதிவு இந்தியாவில் துவங்கி இருக்கிறது.


மைக்ரோமேக்ஸ் நிறுவனம் இந்திய சந்தையில் இன் பிராண்டிங்கில் இன் 1பி மற்றும் இன் நோட்1 ஸ்மார்ட்போன்கள் கடந்த வாரம் அறிமுகம் செய்யப்பட்டன. அறிமுக நிகழ்வில் இரு ஸ்மார்ட்போன்களும் நவம்பர் மாத இறுதியில் விறப்னைக்கு வரும் என அறிவித்து இருந்தது.

தற்சமயம் இரு மாடல்களின் முன்பதிவு இந்தியாவில் இன்று (நவம்பர் 10) மதியம் 12 மணிக்கு ப்ளிப்கார்ட் தளத்தில் துவங்குகிறது. சிறப்பம்சங்களை பொருத்தவரை மைக்ரோமேக்ஸ் இன் நோட் 1 மாடலில் 6.67 புல் ஹெச்டி பிளஸ் எல்சிடி ஸ்கிரீன், மீடியாடெக் ஹீலியோ ஜி85 பிராசஸர், அதிகபட்சம் 4 ஜிபி ரேம், ஆண்ட்ராய்டு 10 ஒஎஸ் வழங்கப்பட்டு இருக்கிறது.



மைக்ரோமேக்ஸ் இன் 1பி ஸ்மார்ட்போனில் 6.52 இன்ச் ஹெச்டி பிளஸ் மினி டிராப் எல்சிடி ஸ்கிரீன், மீடியாடெக் ஹீலியோ ஜி35 பிராசஸர், அதிகபட்சம் 4 ஜிபி ரேம் வழங்கப்பட்டு இருக்கிறது.

இந்தியாவில் மைக்ரோமேக்ஸ் இன் நோட் 1 ஸ்மார்ட்போன் விலை ரூ. 10,999 முதல் துவங்குகிறது. இன் 1பி மாடல் துவக்க விலை ரூ. 6,999 என நிர்ணயம் செய்யப்பட்டு உள்ளது. இரு மாடல்களின் விற்பனை நவம்பர் 26 ஆம் தேதி ப்ளிப்கார்ட் தளத்தில் துவங்குகிறது. 
Tags:    

Similar News