ஆண்ட்ராய்டு 11 அப்டேட் பெறும் சாம்சங் ஸ்மார்ட்போன்

சாம்சங் நிறுவனம் தனது கேலக்ஸி எம்31எஸ் ஸ்மார்ட்போனிற்கு ஆண்ட்ராய்டு 11 சார்ந்த ஒன் யுஐ 3.1 அப்டேட் வழங்க துவங்கி உள்ளது. முன்னதாக கேலக்ஸி எம்51, எஸ் சீரிஸ் மற்றும் நோட் சீரிஸ் மாடல்களுக்கு இதே அப்டேட் வங்கப்பட்டது குறிப்பிடத்தக்கது.

புது அப்டேட் 1.93 ஜிபி அளவு M31FXXU2CUB1 எனும் பில்டு நம்பர் கொண்டுள்ளது. ஆண்ட்ராய்டு அப்டேட் மட்டுமின்றி பிப்ரவரி 2021 மாதத்திற்கான ஆண்ட்ராய்டு செக்யூரிட்டி பேட்ச் அப்டேட் வழங்கப்படுகிறது. பிளாக்ஷிப் மாடல்களை தொடர்ந்து கேலக்ஸி எம் சீரிஸ் மாடல்களுக்கும் புது அப்டேட் வழங்கப்பட்டு வருகிறது.

வரும் வாரங்களில் மீதம் இருக்கும் கேலக்ஸி எம் மற்றும் ஏ சீரிஸ் ஸ்மார்ட்போன்களுக்கும் புது அப்டேட் வழங்கப்படும் என கூறப்படுகிறது. கேலக்ஸி எம்31எஸ் மாடலில் புது ஒஎஸ் அப்டேட் யுஐ, தோற்றம், கஸ்டமைசேஷன் என பல்வேறு மாற்றங்களை வழங்குகிறது. இத்துடன் பல்வேறு அம்சங்கள் முன்பு இருந்ததை விட அதிகளவு மேம்படுத்தப்படுகிறது.