இன்று அறிமுகமாகும் ஒப்போ எஃப்21 ப்ரோ சீரிஸ்- என்ன எதிர்பார்க்கலாம்?

ஒப்போ நிறுவனத்தின் எஃப்21 ப்ரோ சீரிஸ் ஸ்மார்ட்போன் இன்று இந்தியாவில் அறிமுகமாகவுள்ளது.

இந்த சீரிஸில் ஒப்போ எஃப்21 ப்ரோ மற்றும் ஒப்போ எஃப்21 ப்ரோ 5ஜி என இரண்டு ஸ்மார்ட்போன்கள் வெளிவரவுள்ளது.

இந்த இரண்டு போனிலும் 6.43 இன்ச் ஃபுல் ஹெச்டி+ ஆமோலெட் டிஸ்பிளே இடம்பெறும் என கூறப்படுகிறது. ஒப்போஎஃப்21 ப்ரோ ஸ்மார்ட்போனில் Snapdragon 680 Soc பிராசஸர், ஒப்போ எஃப்21 ப்ரோ 5ஜி ஸ்மார்ட்போனில் ஸ்னேப்டிராகன் 695 Soc பிராசஸர் இடம்பெறும் என கூறப்படுகிறது.

கேமராவை பொறுத்தவரை இந்த இரு போன்களிலும் 64 மெகாபிக்ஸல் ட்ரிப்பிள் கேமரா செட்அப் வழங்கப்படும் என தெரிவிக்கப்பட்டுள்ளது. அதேபோன்று 12 மெகாபிக்ஸல் செகண்டரி கேமரா, 2 மெகாபிக்சல் போட்ரெய்ட் கேமரா மற்றும் 32 மெகாபிக்ஸல் செல்ஃபி கேமரா ஆகிவை இடம்ப்றும் என கூறப்படுகிறது. இந்த இரு போன்களிலும் 4500mAh பேட்டரி, 33W ஃபாஸ்ட் சார்ஜிங் தொழில்நுட்பம் இடம்பெறவுள்ளது.

ஒப்போ ப்ரோ எஃப்21 ப்ரோ ஸ்மார்ட்போனின் ஒரே மாடலான 8ஜிபி+128 ஜிபி ஸ்டோரேஜ்ஜின் விலை ரூ.24,640-ஆகவும், ஒப்போ எஃப்31 ப்ரோ 5ஜி ஸ்மார்ட்போனின் விலை ரூ.26,000-ஆக இருக்கும் என எதிர்பார்க்கப்படுகிறது.

இந்த ஸ்மார்ட்போன் வெளியிட்டு நிகழ்ச்சியை ஒப்போ யூடியூப் சேனலில் மாலை 6 மணிக்கு காணலாம்.