ஆடும் லெவனில் தினேஷ் கார்த்திக்: 4-வது உலகக் கோப்பையில்தான் ஆடும் வாய்ப்பு

உலகக்கோப்பைக்கான இந்திய அணியில் தமிழகத்தைச் சேர்ந்த விக்கெட் கீப்பர் பேட்ஸ்மேனான தினேஷ் கார்த்திக் இடம் பிடித்துள்ளார். 34 வயதாகும் இவர் கடந்த 2004-ல் இந்திய அணியில் அறிமுகமானார். ஆனால், டோனி வருகையாலும் மோசமான பார்ம் காரணத்தாலும் அணியில் அவருக்கு தொடர்ந்து இடம் கிடைக்கவில்லை.

இதனால் 15 வருட கிரிக்கெட் வாழ்க்கையில் 91 ஒருநாள் போட்டியில் மட்டுமே விளையாடியுள்ளார். 2007-ம் ஆண்டு நடைபெற்ற உலகக்கோப்பைக்கான இந்திய அணியில் தினேஷ் கார்த்திக் இடம் பிடித்திருந்தார். ஆனால் ஒரு போட்டியில் கூட விளையாடவில்லை.



அதன்பின் 2011 மற்றும் 2015 உலகக்கோப்பைக்கான இந்திய அணியில் அவர் இடம்பிடிக்கவில்லை. தற்போது இங்கிலாந்தில் நடைபெறும் உலகக்கோப்பைக்கான அணியில் இடம்பிடித்துள்ளார். இன்று வங்காள தேசத்திற்கு எதிரான ஆட்டத்தில் ஆடும் லெவன் அணியில் தினேஷ் கார்த்திக் இடம் பிடித்துள்ளார். இதனால் 12 வருடங்கள் கழித்து அணியில் அறிமுகமாகியுள்ளார்.