சக்திவாய்ந்த வி12 என்ஜினுடன் புதிய மெர்சிடிஸ் மேபக் எஸ் கிளாஸ் அறிமுகம்

மெர்சிடிஸ் பென்ஸ் நிறுவனம் புதிய தலைமுறை மேபக் எஸ் கிளாஸ் எஸ்680 மாடலை அறிமுகம் செய்துள்ளது. புதிய மாடல் அந்நிறுவன வலைதளத்தில் சத்தமின்றி அப்டேட் செய்யப்பட்டு இருக்கிறது. தோற்றத்தில் இந்த மாடல் வி8 வேரியண்டை போன்றே காட்சியளிக்கிறது.

புதிய மெர்சிடிஸ் மேபக் எஸ்680 வி12 மாடல் டூ-டோன் பெயின்ட் மற்றும் குரோம் பினிஷ் செய்யப்பட்டு இருக்கிறது. இத்துடன் மல்டி-ஸ்போக் வீல்கள் வழங்கப்பட்டுள்ளன. புதிய மேபக் மாடல் 6.0 லிட்டர், ட்வின்-டர்போ வி12 என்ஜின் வழங்கப்பட்டு இருக்கிறது.

இந்த என்ஜின் 612 பிஹெச்பி பவர், 1000 என்எம் டார்க் செயல்திறன் வழங்குகிறது. இந்த கார் மணிக்கு 100 கிலோமீட்டர் வேகத்தை வெறும் 4.4 நொடிகளில் எட்டிவிடும். இது மணிக்கு அதிகபட்சம் 209 கிலோமீட்டர் வேகத்தில் செல்லும் திறன் கொண்டிருக்கிறது.

முதல் முறையாக வி12 என்ஜின் கொண்ட மேபக் மாடலில் 4மேடிக் ஆல்-வீல்-டிரைவ் சிஸ்டம் வழங்கப்பட்டு இருக்கிறது. இந்த என்ஜினுடன் 9 ஸ்பீடு ஆட்டோமேடிக் டிரான்ஸ்மிஷன் வழங்கப்பட்டு இருக்கிறது.