லைஃப்ஸ்டைல்
அர்த்த சந்திராசனம்

சிறுநீரகத்தை சீராக செயல்பட வைக்க உதவும் அர்த்த சந்திராசனம்

Published On 2021-03-26 02:22 GMT   |   Update On 2021-03-26 02:22 GMT
அர்த்த சந்திராசனம் என்பது மன கவலையை போக்க கூடிய ஒரு முக்கியமான யோகா ஆசனமாகும். உடலில் உள்ள தேவையற்ற நீரை வெளியேற்றும். சிறுநீரகத்தை சீராக செயல்பட வைக்கும்.
உங்கள் யோகா பாயில் ஒன்றாக உங்கள் கால்களை வைத்துக் கொண்டு நிற்கவும். இப்போது உங்கள் கைகளை தலைக்கு மேலாக உயர்த்து, உங்கள் உள்ளங்கைகளை ஒன்றாகப் பிடித்துக் கொள்ளவும், உச்சவரம்பை அடைய முயற்சி செய்து  நீட்டிக்கவும். வளர்ந்தவர்கள், மூச்சை வெளியே விட்டு, மெதுவாக உங்கள் கைகளை ஒன்றாக வைத்துக் கொண்டு உங்கள்  இடுப்பிலிருந்து பக்கவாட்டாக குனியவும். மற்றும் நேராக உங்கள் முழங்கைகளை ஒன்றாக வைத்து, முன்பக்கம்  வளையாமலிருக்க நினைவில் வைத்துக் கொள்ளவும்.

நீங்கள் உங்கள் விரல் நுனிகளிலிருந்து தொடைகள் வரை, ஒரு  நீட்டிப்பை உணர வேண்டும். நீங்கள் உங்கள் வயிற்றின் பக்கவாட்டிலும் மற்றும் முதுகிலும் வலுவான நீட்டிப்பை உணர்வீர்கள். உங்களால் முடிந்த வரை இந்த ஆசனத்தில் நீடிக்கவும். மூச்சை உள்ளிழுத்து, திரும்பவும் பழைய நிற்கும் நிலைக்கு வரவும்.  இதே ஆசனத்தை மறுபக்கம் செய்யவும்.
 
குறிப்புகள்: உங்களுக்கு செரிமான கோளாறுகள், முதுகெலும்பு காயம் அல்லது உயர் இரத்த அழுத்தம் இருந்தால், இந்த ஆசனம்  செய்வதைத் தவிர்க்கவும்.
 
பயன்கள்:
 
* உடலின் முதுகுத் தண்டு இடப்புறமும், வலப்புறமும் மாறி, மாறி வளைவதால் உடலுக்குப் புத்துணர்வு கிடைப்பதுடன்  நரம்புகள் வலுப்பெறும்.
 
* கழுத்துவலி, தோள்பட்டை வலி போன்றவை நீங்குவதுடன் உடல் பலமடையும்.
 
* தொப்பையைக் குறைக்கும். இடுப்பு பகுதி வலுப்பெறும்.
 
* நன்கு பசியைத் தூண்டும், அஜீரணத்தைப் போக்கும்.
 
* உடலில் உள்ள தேவையற்ற நீரை வெளியேற்றும். சிறுநீரகத்தை சீராக செயல்பட வைக்கும். இவ்வாசனத்தை குழந்தைகள் முதல் பெரியவர்கள் வரை அனைவரும் செய்யலாம்.

Tags:    

Similar News