பட்ஜெட் விலையில் ரியல்மி 5ஜி ஸ்மார்ட்போன் அறிமுகம்

ரியல்மி நிறுவனம் இந்திய சந்தையில் புதிய மிட் ரேன்ஜ் 5ஜி ஸ்மார்ட்போனினை அறிமுகம் செய்தது. புதிய ஸ்மார்ட்போன் ரியல்மி 8எஸ் என அழைக்கப்படுகிறது. இதில் 6.5 இன்ச் புல் ஹெச்.டி. பிளஸ் எல்.சி.டி. டிஸ்ப்ளே, 90 ஹெர்ட்ஸ் ரிப்ரெஷ் ரேட் உள்ளது.

இத்துடன் 16 எம்.பி. செல்பி கேமரா, அதிகபட்சம் 8 ஜிபி ரேம், மீடியாடெக் டிமென்சிட்டி 810 பிராசஸர், ஆண்ட்ராய்டு 11 மற்றும் ரியல்மி யு.ஐ. 2.0 வழங்கப்பட்டு இருக்கிறது. இந்த ஸ்மார்ட்போன் 64 எம்பி பிரைமரி கேமரா, 2 எம்பி பிளாக் அண்ட் வைட் கேமரா, 2 எம்பி மேக்ரோ லென்ஸ் கொண்டுள்ளது.

இதன் பக்கவாட்டில் கைரேகை சென்சார், டூயல் சிம் ஸ்லாட் வழங்கப்பட்டு இருக்கிறது. ரியல்மி 8எஸ் 5ஜி மாடல் 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 33 வாட் டார்ட் சார்ஜ் பாஸ்ட் சார்ஜிங் வசதி உள்ளது.

ரியல்மி 8எஸ் 5ஜி ஸ்மார்ட்போன் யுனிவர்ஸ் புளூ மற்றும் யுனிவர்ஸ் பர்பில் நிறங்களில் கிடைக்கிறது. இதன் 6 ஜிபி + 128 ஜிபி விலை ரூ. 17,999 என்றும் 8 ஜிபி + 128 ஜிபி விலை ரூ. 19,999 என்றும் நிர்ணயம் செய்யப்பட்டு உள்ளது. ரியல்மி 8எஸ் 5ஜி விற்பனை செப்டம்பர் 13 ஆம் தேதி துவங்குகிறது.