மதுரையில் சிறுமியை திருமணம் செய்த வாலிபர் கைது

மதுரை:

மதுரை கீரைத்துறை மேலத்தோப்பை சேர்ந்த போங்கி மகன் வழிவிட்டான் (வயது 19). இவர் 13 வயது சிறுமியை திருமணம் செய்து இருப்பதாக மதுரை டவுன் அனைத்து மகளிர் போலீஸ் இன்ஸ்பெக்டர் கீதாலட்சுமிக்கு தகவல் வந்தது.

இதையடுத்து போலீசார் எம்.கே.புரம் சுண்ணாம்பு காளவாசல் தெருவில் உள்ள பாதிக்கப்பட்ட சிறுமியின் பாட்டி வீட்டில் விசாரணை நடத்தினார்கள். அப்போது அவர் 13 வயது பேத்திக்கு திருமணம் நடந்ததை ஒப்புக் கொண்டார்.

கோவையில் வேலை பார்த்து வரும் வழிவிட்டான், பசுமலை தியாகராஜர் தெருவில் உள்ள சகோதரி வீட்டில் 13 வயது சிறுமியுடன் குடித்தனம் நடத்தியது தெரிய வந்தது.

இதுகுறித்து போலீசில் புகார் செய்யப்பட்டது. போலீஸ் கமி‌ஷனர் பிரேம் ஆனந்த் சின்கா உத்தரவின் பேரில் வரதட்சணை தடுப்பு பிரிவு உதவி கமி‌ஷனர் அக்பர்கான் மேற்பார்வையில் அனைத்து மகளிர் போலீஸ் இன்ஸ் பெக்டர் கீதாலட்சுமி வழக்குப்பதிவு செய்து 13 வயது சிறுமியை திருமணம் செய்து குடும்பம் நடத்திய வழிவிட்டானை கைது செய்தார்.