இந்தியாவில் அபாச்சி ஆர்டிஆர்200 4வி விலையில் திடீர் மாற்றம்

டிவிஎஸ் மோட்டார் கம்பெனி நிறுவனம் இந்தியாவில் ஆர்டிஆர்200 4வி சீரிஸ் விலையை ரூ. 1500 வரை உயர்த்தி உள்ளது. விலை உயர்வின் படி டாப் எண்ட் டூயல் டிஸ்க் மாடல் விலை ரூ. 1,30,050 என்றும் சிங்கிள் சேனல் ஏபிஎஸ் மாடல் ரூ. 1,25,500 என மாறி இருக்கிறது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது. 

விலை உயர்வு மட்டுமின்றி டிவிஎஸ் பல்வேறு பண்டிகை கால சலுகைகளை அறிவித்து இருக்கிறது. இதன் மூலம் பயனர்கள் மிக குறைந்த முன்பணம் செலுத்துவதோடு மாதம் ரூ. 2,999 எனும் மாத தவணையில் மோட்டார்சைக்கிளை வாங்கி கொள்ள முடியும். 

இத்துடன் முதல் மூன்று மாதங்களுக்கு மாத தவணையில் 50 சதவீதத்தை மட்டும் செலுத்தி மீதமுள்ள தவணையை மற்ற மாதங்களில் செலுத்தலாம். மேலும் டிவிஎஸ் நிறுவனம் மாத தவணை முறையை எளிமையாக்கி, கடன் வழிமுறையே வேகமாக நிறைவு செய்கிறது. 

இந்திய சந்தையில் அபாச்சி ஆர்டிஆர்200 4வி மாடல் ஹோண்டா ஹார்னெட் 2.0, பஜாஜ் பல்சர் என்எஸ்200 போன்ற மாடல்களுக்கு போட்டியாக அமைகிறது.