தொழில்நுட்பம்
மீடியாடெக் பிராசஸருடன் உருவாகும் ஒன்பிளஸ் நார்டு 2
ஒன்பிளஸ் நிறுவனத்தின் புதிய நார்டு 2 ஸ்மார்ட்போனில் மீடியாடெக் பிராசஸர் வழங்கப்படலாம் என தகவல் வெளியாகி உள்ளது.
ஒன்பிளஸ் நார்டு ஸ்மார்ட்போன் கடந்த ஆண்டு ஜூலை மாதத்தில் அறிமுகம் செய்யப்பட்டது. இந்த ஸ்மார்ட்போன் ஸ்னாப்டிராகன் 765ஜி பிராசஸர் கொண்டிருக்கிறது. நார்டு ஸ்மார்ட்போனினை தொடர்ந்து ஒன்பிளஸ் நிறுவனம் ஒன்பிளஸ் நார்டு 2 மாடலை அறிமுகம் செய்ய இருப்பதாக தகவல் வெளியாகி உள்ளது.
புதிய ஒன்பிளஸ் நார்டு 2 மாடலில் மீடியாடெக் டிமென்சிட்டி 1200 பிராசஸர், 168 ஹெர்ட்ஸ் ரிப்ரெஷ் ரேட் கொண்டிருக்கும் என கூறப்படுகிறது. முன்னதாக வெளியான தகவல்களில் ஒன்பிளஸ் நார்டு ஸ்மார்ட்போன் மீடியாடெக் 1000எல் 5ஜி பிராசஸர் கொண்டிருக்கும் என கூறப்பட்டது. எனினும், இந்த ஸ்மார்ட்போன் ஸ்னாப்டிராகன் 765ஜி பிராசஸருடன் அறிமுகம் செய்யப்பட்டது.
ஒன்பிளஸ் நார்டு ஸ்மார்ட்போனினை தொடர்ந்து நார்டு என்10 5ஜி மற்றும் என்100 மாடல்களில் ஸ்னாப்டிராகன் 690 மற்றும் ஸ்னாப்டிராகன் 460 பிராசஸர்கள் வழங்கப்பட்டு இருந்தது. அந்த வகையில் மீடியாடெக் பிராசஸருடன் வெளியாகும் முதல் ஸ்மார்ட்போனாக நார்டு 2 இருக்கும் என எதிர்பார்க்கப்படுகிறது.