அசத்தல் அம்சங்களுடன் 2021 ஹோண்டா சிபி1000ஆர் அறிமுகம்

ஹோண்டா நிறுவனம் 2021 ஹோண்டா சிபி1000ஆர் மோட்டார்சைக்கிளை சர்வதேச சந்தையில் அறிமுகம் செய்தது. புதிய மாடலில் மேம்பட்ட ஹெட்லேம்ப் பெசல், இன்ஸ்ட்ரூமென்ட் டிஸ்ப்ளேவை சுற்றி கவர் போன்ற பாதுகாப்பு, ரேடியேட்டர், சைடு பிளேட்களில் புதிய ஸ்டைலிங் செய்யப்பட்டு இருக்கிறது. 

2021 மாடலில் டபிள்யூ ஸ்போக் கேஸ்ட் செய்யப்பட்ட அலுமினியம் வீல்கள் வழங்கப்பட்டு உள்ளன. இத்துடன் யுஎஸ்பி போர்ட், டிஎப்டி டிஸ்ப்ளே, ப்ளூடூத் சார்ந்த ஹோண்டா ஸ்மார்ட்போன் வாய்ஸ் கண்ட்ரோல் வசதி வழங்கப்பட்டு இருக்கிறது. 

புதிய சிபி1000ஆர் மாடலில் 998சிசி, இன்-லைன் 4 சிலிண்டர் என்ஜின் வழங்கப்பட்டு உள்ளது. இந்த என்ஜின் 143 பிஹெச்பி பவர் வழங்குகிறது. இதே மாடலின் பிரத்யேக பிளாக் எடிஷன் ஆப்ஷனையும் ஹோண்டா வழங்குகிறது.

இந்திய சந்தையில் 2021 ஹோண்டா சிபி1000ஆர் மாடல் அடுத்த ஆண்டின் இரண்டாவது காலாண்டு வாக்கில் அறிமுகமாகும் என எதிர்பார்க்கப்படுகிறது.