எங்க நாட்டுக்கு வாங்க... மோடிக்கு அழைப்பு விடுத்த அர்மீனிய பிரதமர்

நியூயார்க்:

அமெரிக்காவில் சுற்றுப்பயணம் மேற்கொண்டுள்ள இந்திய பிரதமர் மோடி, ஐநா பொதுசபை கூட்டத்தின் இடையே உலக நாடுகளின் தலைவர்களை சந்தித்து இருதரப்பு உறவுகள் குறித்து பேச்சுவார்த்தை நடத்துகிறார். அவ்வகையில் நேற்று அர்மீனியா மற்றும்  நியூசிலாந்து நாடுகளின் பிரதமர்களை சந்தித்து இருதரப்பு உறவுகள் குறித்து பேசினார்.



இந்த சந்திப்பின்போது மோடியை அர்மீனியாவுக்கு வரும்படி அந்நாட்டு பிரதமர் அழைப்பு விடுத்ததாகவும், அதனை மோடி ஏற்றுக்கொண்டதாகவும் இந்திய வெளியுறவுத்துறை செய்தி வெளியிட்டுள்ளது.

இதேபோல் நியூசிலாந்து பிரதமர் ஜெசிந்தா ஆடர்ன், பெல்ஜியம் பிரதமர் சார்லஸ் மைக்கேல் ஆகியோரையும் மோடி சந்தித்து இருதரப்பு உறவுகள் குறித்து பேசினார்.