செய்திகள்
உற்சாகத்தில் துள்ளிக்குதித்த வர்ணனையாளர்

இந்திய ஹாக்கி பெண்கள் அணியின் வெற்றியை நேரலையில் பார்த்து துள்ளிக்குதித்த வர்ணனையாளர்கள்

Published On 2021-08-02 12:24 GMT   |   Update On 2021-08-02 12:24 GMT
ஆட்டத்தின் 22 வது நிமிடத்தில் இந்திய வீராங்கனை குர்ஜித் கவுர் கோல் அடித்து இந்தியாவின் வெற்றியை உறுதி செய்தார்.
டோக்கியோ:

ஜப்பான் தலைகர் டோக்கியோவில் ஒலிம்பிக் போட்டிகள் நடைபெற்று வருகின்றன. நேற்று ஞாயிற்றுக்கிழமை இந்தியப் பெண்கள் ஹாக்கி அணி ஆஸ்திரேலியாவுடன் இரண்டாவது காலிறுதி போட்டியில் விளையாடியது.
முதல் கால் பகுதி ஆட்டத்தில் இரு அணிகளும் கோல்கள் அடிக்கவில்லை. அடுத்த கால் பகுதி ஆட்டத்தில் இந்திய வீராங்கனைகள் அசத்தலாக விளையாடினர். குர்ஜித் கவுர் ஆட்டத்தின் 22-வது நிமிடத்தில் அபாரமான கோலை அடித்தார். இதனால் இந்தியா 1-0 என்று முன்னிலையில் இருந்தது.

போட்டி முடிவு வரை இதே நிலைத் தொடர இந்தியாவின் வெற்றி உறுதியானது. ஒலிம்பிக்கில் இந்திய பெண்கள் ஹாக்கி அணி, அரையிறுதிக்குள் நுழைவது இதுவே முதல்முறையாகும்.

 சோனி ஸ்போர்ட்ஸ் இந்தியா எனும் தொலைக்காட்சி இதை நேரலை செய்தபோது வர்ணனையாளர்கள் தங்களையும் மறந்து மகிழ்ச்சியில் துள்ளிக் குதித்தக் காட்சி சமூக வலைதளத்தில் வைரலாகி வருகிறது.
Tags:    

Similar News