லைஃப்ஸ்டைல்
உடற்பயிற்சி

திருமணமான தம்பதியர் என்ன மாதிரியான உடற்பயிற்சிகள் செய்யலாம்?

Published On 2019-11-13 02:53 GMT   |   Update On 2019-11-13 02:53 GMT
திருமணத்துக்குப் பின் தாம்பத்ய வாழ்க்கையை இனிமையாக நடத்த முதல் தேவை உடல் ஆரோக்கியம். உடல் ஆரோக்கியத்திற்கு உடற்பயிற்சி அவசியம்.
‘‘முதலில் நாம் ஃபிட்டாக இருக்கிறோம் என்ற எண்ணம் அவரவருக்கு தன்னம்பிக்கை அளிக்கும். உடலை பராமரிப்பதில் அக்கறை காட்டும்போது ஒருவர் மீது மற்றவருக்கு இருக்கும் கவர்ச்சி குறையாமல் இருக்கும். உடலில் தேவையற்ற கொழுப்பு சேரும்போது உடல் வடிவம் மாறி மனதளவில் ஒரு வித இடைவெளியை உருவாக்கும். திருமணத்துக்குப் பின் தாம்பத்ய வாழ்க்கையை இனிமையாக நடத்த முதல் தேவை உடல் ஆரோக்கியம்.

உடற்பயிற்சி வேறெந்த நோயும் உடலைத் தாக்காமல் பாதுகாக்கிறது. ரத்த அழுத்தம், சர்க்கரை போன்ற நோய்களுக்கான வாய்ப்புகளைக் குறைக்க முடியும். தவறான உணவுமுறை, வாழ்க்கைமுறை காரணமாக திருமணமான தம்பதியருக்கு குழந்தையின்மை பிரச்னை அதிகரித்து வருகிறது. இதற்கான காரணத்தில் முதன்மையாக இருப்பது அதிக உடல் எடை.

ரத்த அழுத்தம், சர்க்கரை போன்ற நோய்கள் தாக்கவும் அதிக உடல் எடையே காரணமாக உள்ளது. திருமணமான புதிதில் விருந்து, பயணம் என நிறைய சாப்பிட வாய்ப்புகள் உள்ளன. இதனால் திருமணமானதும் சிலருக்கு உடல் எடை கூடுவதைப் பார்க்கிறோம். உடல் எடையைக் கூட்டாமல் அத்தனை பிரச்னையில் இருந்தும் தப்பிக்க உடற்பயிற்சி உதவுகிறது.

மருத்துவர், ஃபிட்னஸ் டிரெயினரின் ஆலோசனையுடன் உங்களுக்கான உடற்பயிற்சிகளை தேர்ந்தெடுத்துச் செய்யுங்கள். வெயிட்டைப் பயன்படுத்தி உடற்பயிற்சி செய்வது தேவையற்ற கொழுப்பு மற்றும் தசையை இறுகச் செய்ய உதவும். உடற்பயிற்சி செய்தால் ஆணைப்போல ஆகிடுவோமோ என்று பெண்கள் அச்சப்படத் தேவை இல்லை. ஆணுக்கும் பெண்ணுக்கும் வேறு வேறு ஹார்மோன்கள் சுரக்கிறது. உடற்பயிற்சியால் பெண்ணின் வடிவம் அழகாகி பெண்மை கூடும். ஆணுக்கு தன் மனைவியின் அழகின் மீதான ஈர்ப்பைக் கூட்டவே செய்யும்.’’
Tags:    

Similar News