முத்தியால்பேட்டை முத்துமாரியம்மன் முத்தையா சாமி கோவில் கும்பாபிஷேகம் 20-ந்தேதி நடக்கிறது

முத்தியால்பேட்டை முத்தையா முதலியார்பேட்டையில் முத்து மாரியம்மன் முத்தையா சாமி கோவில் உள்ளது. இந்த கோவிலுக்கு கும்பாபிஷேக விழா நடத்த முடிவு செய்யப்பட்டு திருப்பணிகள் நடைபெற்றது. திருப்பணிகள் நிறைவடைந்த நிலையில் கும்பாபிஷேக விழா இன்று (செவ்வாய்க்கிழமை) காலை 8 மணிக்கு விக்னேஷ்வர பூஜையுடன் தொடங்குகிறது. நாளை மறுநாள் (வியாழக்கிழமை) வரை யாகசாலை பூஜைகள் நடக்கிறது.

அதைத்தொடர்ந்து 20-ந் தேதி காலை 5 மணிக்கு 6-ம் கால யாகபூஜையும், 8.15 மணிக்கு ராஜகோபுரத்துக்கு கும்பாபிஷேகமும், காலை 8.45 மணிக்கு முத்தையாசாமி, ஸ்ரீவள்ளி முத்தையாசாமிக்கு மகா கும்பாபிஷேகமும் நடக்கிறது. விழாவில் முதல்-அமைச்சர் ரங்கசாமி, அமைச்சர் லட்சுமிநாராயணன், பிரகாஷ்குமார் எம்.எல்.ஏ., இந்து சமய அறநிலையத்துறை செயலர் மகேஷ், ஆணையர் சிவசங்கரன் மற்றும் ஏராளமான பக்தர்கள் பங்கேற்கிறார்கள்.