தொழில்நுட்பம்
அமேசான் முதலீடு பற்றி அதிகாரப்பூர்வ விளக்கம் அளித்தது ஏர்டெல்
அமேசான் நிறுவனம் முதலீடு செய்வதாக வெளியான செய்திகளுக்கு பாரதி ஏர்டெல் விளக்கம் அளித்துள்ளது.
அமேசான் நிறுவனத்துடன் பேச்சுவார்த்தையில் ஈடுபட்டதாக வெளியான தகவல்களுக்கு பாரதி ஏர்டெல் நிறுவனம் விளக்கம் அளித்துள்ளது.
ஏர்டெல் நிறுவனத்தில் ரூ. 15 ஆயிரம் கோடி மதிப்பிலான பங்குகளை வாங்க அமேசான் நிறுவனம் முதற்கட்ட பேச்சுவார்த்தை துவங்கி இருப்பதாக செய்திகள் வெளியாகின. இந்நிலையில், நேற்று வெளியான செய்தியில் துளியும் உண்மையில்லை என்றும், இதுவரை அதுபோன்ற திட்டம் எதுவும் இல்லை என்றும் பாரதி ஏர்டெல் நிறுவனம் தெரிவித்துள்ளது.
எனினும், இதுபோன்ற செய்திகள் தேவையற்ற விளைவுகளை ஏற்படுத்தும் என்றும் இது நிறுவனத்தின் நன்மதிப்பை பாதிக்கும் என ஏர்டெல் தெரிவித்துள்ளது.