செய்திகள்
‘வாத்தி கம்மிங்’ பாடலுக்கு நடனம் ஆடிய ஷ்ரேயாஸ் அய்யர்
டெல்லி கேப்பிட்டல்ஸ் அணியின் ஷ்ரேயாஸ் அய்யர் மாஸ்டர் படத்தின் வாத்தி கம்மிங் பாடலுக்கு நடனமாடும் வீடியோ ஒன்று இணைய தளத்தில் வைரலாகி வருகிறது.
உலகக் கோப்பை டி20 தொடர் வருகிற அக்டோபர் 17 முதல் நவம்பர் 14-ம் தேதிவரை நடைபெறவுள்ளது. இந்த தொடரில் மொத்தம் 16 அணிகள் பங்கேற்கின்றன. உலகக் கோப்பைக்கான வீரர்கள் பட்டியலை அனைத்து நாடுகளும் அறிவித்துவிட்டன.
கடந்த 8-ந்தேதி இந்திய அணி வீரர்கள் பட்டியல் அறிவிக்கப்பட்டது. இதில், முன்னாள் கேப்டன் மகேந்திர சிங் தோனி அணியின் ஆலோசகராக நியமிக்கப்பட்டுள்ளார். இந்திய அணியில் மிடில் ஆர்டர் பேட்ஸ்மேனான ஷ்ரேயாஸ் அய்யருக்கு இடம் கிடைக்கவில்லை. மாற்று வீரர்கள் பட்டியலில் உள்ளார்.
இதற்கிடையே ஐ.பி.எல். போட்டியின் 2-வது கட்ட ஆட்டங்கள் வருகிற 19-ந்தேதி தொடங்ககிறது. இதற்காக டெல்லி கேப்பிட்டல்ஸ் அணி துபாயில் தீவிர பயிற்சி மேற்கொண்டு வருகிறது. தீவிர பயிற்சிக்கிடையே ஷ்ரேயாஸ் அய்யர் சக வீரர்களுடன் நடிகர் விஜய் நடிப்பில் வெளியான மாஸ்டர் படத்தில் வரும் "வாத்தி கம்மிங்" பாடலுக்கு நடனமாடி ரிலாக்ஸ் செய்தார். இந்த வீடியோ சமூக வலைத்தளங்களில் வைரலாகி வருகிறது.
Come for the Dumb Charades fun, stay for Karaoke and a masterful #VaathiComing performance 💙🕺🏼
— Delhi Capitals (@DelhiCapitals) September 11, 2021
An unforgettable night of laughter and camaraderie, watch the full Team Bonding session here 👉🏼 https://t.co/k932jm2x6v#YehHaiNayiDilli#CapitalsUnplugged@OctaFX@SofitelDXBPalmpic.twitter.com/1TEbOQHtPc
ஐ.பி.எல். புள்ளிகள் பட்டியலில் டெல்லி கேப்பிட்டல்ஸ் முதலிடத்தில் உள்ளது. இங்கிலாந்து தொடரின்போது ஷ்ரேயாஸ் அய்யருக்கு தோள்பட்டையில் காயம் ஏற்பட்டது. இதனால் முதல் பாதி பகுதி ஐ.பி.எல். போட்டியில் ஷ்ரேயாஸ் அய்யர் பங்கேற்கவில்லை என்பது குறிப்பிடத்தக்கது.