கொரோனா பரிசோதனை 2 லட்சத்தை கடந்தது

ஊட்டி:

நீலகிரி மாவட்டத்தில் கொரோனா உறுதி செய்யப்பட்ட நபர்களுக்கு தீவிர சிகிச்சை அளிக்கப்பட்டு வருவதால் கடந்த சில நாட்களாக பாதிக்கப்பட்டவர்களை விட பூரண குணமடைந்து வீடு திரும்புபவர்களின் எண்ணிக்கை அதிகரித்து வருகிறது. சமீபத்தில் தினமும் 10 முதல் 20 பேருக்கு கொரோனா வைரஸ் உறுதி செய்யப்பட்டு வருகிறது.

வெளி மாவட்டங்கள், வெளி மாநிலங்களில் இருந்து சுற்றுலா பயணிகள் வந்து செல்கின்றனர். இதனால் பரவலை தடுக்க தொடர்ந்து பரிசோதனை எண்ணிக்கை அதிகப்படுத்தப்பட்டு உள்ளது. நீலகிரியில் இதுவரை 2 லட்சத்து 3 ஆயிரம் பேரிடம் இருந்து சளி மாதிரி சேகரிக்கப்பட்டு கொரோனா பரிசோதனை மேற்கொள்ளப்பட்டு உள்ளது. மாவட்ட எல்லைகளில் பரிசோதனை மையங்கள் மூலம் தினமும் குறிப்பிட்ட நபர்களுக்கு பரிசோதனை செய்யப்பட்டு வருவதாக சுகாதாரத்துறை அதிகாரிகள் தெரிவித்தனர்.