ஆட்டோமொபைல்
சுசுகி ஹயபுசா பிஎஸ்6 முன்பதிவு மீண்டும் துவக்கம்
சுசுகி நிறுவனம் தனது பிஎஸ்6 ஹயபுசா மாடலின் முன்பதிவை மீண்டும் துவங்கி இருக்கிறது.
சுசுகி மோட்டார்சைக்கிள் இந்தியா நிறுவனம் பிஎஸ்6 ரக ஹயபுசா மாடல்களுக்கான முன்பதிவை துவங்கி உள்ளது. தற்போதைய முன்பதிவு ஹயபுசா பிஎஸ்6 இரண்டாம் கட்ட யூனிட்களுக்கானவை ஆகும். புது ஹயபுசா மாடலுக்கான முன்பதிவு கட்டணம் ரூ. 1 லட்சம் ஆகும்.
2021 ஹயபுசா மாடல்களின் முதற்கட்ட யூனிட்கள் ஒரே வாரத்தில் விற்றுத் தீர்ந்தன. முதற்கட்டமாக 101 யூனிட்கள் விற்பனைக்கு வந்தது. 101 யூனிட்களை வாங்கிய வாடிக்கையாளர்களுக்கு பின்புற இருக்கைக்கான கவுல் இலவசமாக வழங்கப்பட்டது. பின்புற கவுல் கொண்டு மோட்டார்சைக்கிளை ஒற்றை இருக்கை கொண்ட மாடலாக மாற்ற முடியும்.
இந்தியாவில் புதிய சுசுகி ஹயபுசா மாடல் துவக்க விலை ரூ. 16.40 லட்சம், எக்ஸ்-ஷோரூம் ஆகும். இது முந்தைய மாடலை விட ரூ. 2.65 லட்சம் அதிகம் ஆகும். ஹயபுசா பிஎஸ்6 மாடலில் புல் எல்இடி லைட்டிங், எல்சிடி ஸ்கிரீன், முற்றிலும் புது வடிவமைப்பு வழங்கப்பட்டு இருக்கிறது.
2021 சுசுகி ஹயபுசா மாடலில் 1340சிசி இன்-லைன் 4 மோட்டார் வழங்கப்படுகிறது. இத்துடன் 6 ஸ்பீடு டிரான்ஸ்மிஷன் வழங்கப்படுகிறது. இந்த என்ஜின் 187.7 பிஹெச்பி பவர், 150 நியூட்டன் மீட்டர் டார்க் இழுவிசையை வழங்குகிறது. புது சுசுகி ஹயபுசா மாடல் கவாசகி நின்ஜா 1000எஸ்எக்ஸ் மாடலுக்கு போட்டியாக அமைகிறது.