பட்ஜெட் விலையில் இரு ரெட்மி ஸ்மார்ட்போன்கள் இந்தியாவில் அறிமுகம்

ரெட்மி பிராண்டு இந்தியாவில் ரெட்மி 9ஏ ஸ்போர்ட் மற்றும் ரெட்மி 9ஐ ஸ்போர்ட் ஸ்மார்ட்போன்களை அறிமுகம் செய்தது. இரு மாடல்களிலும் 6.53 இன்ச் ஹெச்.டி. பிளஸ் டாட் டிராப் ஸ்கிரீன், மீடியாடெக் ஹீலியோ ஜி25 பிராசஸர், 13 எம்பி பிரைமரி கேமரா, 5 எம்பி செல்பி கேமரா வழங்கப்பட்டு இருக்கிறது.

இரு மாடல்களும் ஆரா 360 டிசைன் கொண்டிருக்கிறது. டூயல் சிம் ஸ்லாட், ஆண்ட்ராய்டு 10 மற்றும் எம்.ஐ.யு.ஐ. 12, டூயல் 4ஜி வோல்ட்இ, வைபை, ப்ளூடூத் 5, மைக்ரோ யு.எஸ்.பி. போர்ட், 5000 எம்.ஏ.ஹெச். பேட்டரி, 10 வாட் சார்ஜிங் கொண்டிருக்கிறது.

ரெட்மி 9ஐ ஸ்போர்ட் மற்றும் 9ஏ ஸ்போர்ட் மாடல்கள் கார்பன் பிளாக், மெட்டாலிக் புளூ மற்றும் கோரல் கிரீன் நிறங்களில் கிடைக்கிறது. ரெட்மி 9ஐ ஸ்போர்ட் 2 ஜிபி + 32 ஜிபி விலை ரூ. 6,999 என்றும் 3 ஜிபி + 32 ஜிபி விலை ரூ. 7,999 என்றும் நிர்ணயம் செய்யப்பட்டு உள்ளது. ரெட்மி 9ஏ ஸ்போர்ட் 4 ஜிபி + 64 ஜிபி விலை ரூ. 8,799 என்றும் 4 ஜிபி + 128 ஜிபி விலை ரூ. 9,299 என்றும் நிர்ணயம் செய்யப்பட்டு உள்ளது.