நவராத்திரி விழாவையொட்டி அங்காள பரமேஸ்வரி அம்மன் கோவிலில் சிறப்பு வழிபாடு

திருச்செங்கோடு தாலுகா சக்திநாயக்கன்பாளையத்தில் அங்காள பரமேஸ்வரி அம்மன் கோவில் உள்ளது. இந்த கோவிலில் ஒவ்வொரு ஆண்டும் நவராத்திரி விழா கொண்டாடப்பட்டு வருகிறது. இந்த ஆண்டு நவராத்திரி விழா கடந்த 6-ந் தேதி தொடங்கியது.

இதையொட்டி தினமும் சாமிக்கு சிறப்பு பூஜைகளும், அபிஷேகங்களும் நடத்தப்பட்டன. இந்தநிலையில் 3-ம் நாளான நேற்று அம்மனுக்கு சிறப்பு வழிபாடு நடந்தது. பின்னர் அங்காள பரமேஸ்வரி அம்மன் சிறப்பு அலங்காரத்தில் பக்தர்களுக்கு அருள்பாலித்தார்.

தொடர்ந்து பக்தர்களுக்கு பிரசாதம் வழங்கப்பட்டது.