ஆட்டோமொபைல்
இந்தியாவில் மினி பிராண்டின் ஆன்லைன் ரீடெயில் ஸ்டோர் துவக்கம்
மினி நிறுவனம் இந்திய பயனர்கள் புதிய கார் வாங்க பிரத்யேக வலைதளம் ஒன்றை துவங்கி உள்ளது.
மினி இந்தியா நிறுவனம் இந்திய வாடிக்கையாளர்களுக்கென பிரத்யேக ஆன்லைன் ரீடெயில் ஸ்டோர் ஒன்றை துவங்கி உள்ளது. தற்போதைய கொரோனா வைரஸ் பாதிப்பு காரணமாக புதிய தளம் துவங்கப்பட்டு இருக்கிறது.
இதை கொண்டு பயனர்கள் தங்களின் வீட்டில் இருந்தபடி புதிய கார் வாங்குவதற்கான வழிமுறைகளை மேற்கொள்ள முடியும். பயனர்கள் shop.mini.in வலைதளம் சென்று புதிய கார் வாங்கிட முடியும். இந்த வலைதளத்தில் மினி நிறுவனத்தின் அனைத்து மாடல்களையும் விரிவாக பார்க்க முடியும்.
இத்துடன் ஒவ்வொரு மாடலிலும் பயனர் விரும்பும் மாற்றங்களையும் மினி வழங்கும் கூடுதல் அக்சஸரீக்களுடன் மேற்கொள்ளலாம். பயனர்கள் வலைதளத்தில் லாக் இன் செய்து தங்களின் கான்பிகரேஷனை பார்க்க முடியும்.