ரூ.7,999 விலையில் புது ஸ்மார்ட்போன் அறிமுகம் செய்த டெக்னோ

டெக்னோ நிறுவனத்தின் புதிய குறைந்த விலை ஸ்மார்ட்போன் இந்தியாவில் அறிமுகமாகி இருக்கிறது. டெக்னோ ஸ்பார்க் 8 என அழைக்கப்படும் புது ஸ்மார்ட்போன் 6.52 இன்ச் ஹெச்.டி. பிளஸ் டாட் நாட்ச் டிஸ்ப்ளே, மீடியாடெக் ஹீலியோ ஏ25 பிராசஸர் கொண்டிருக்கிறது.

இத்துடன் 2 ஜிபி ரேம், 64 ஜிபி மெமரி, மெமரியை கூடுதலாக நீட்டிக்கும் வசதி, ஆண்ட்ராய்டு 11 கோ எடிஷன், 16 எம்பி பிரைமரி கேமரா, ஏ.ஐ. லென்ஸ், 8 எம்பி செல்பி கேமரா வழங்கப்பட்டு இருக்கிறது. கனெக்டிவிட்டிக்கு 4ஜி வோல்ட்இ, வைபை, ப்ளூடூத் 5, ஜி.பி.எஸ்., மைக்ரோ யு.எஸ்.பி., 3.5 எம்.எம். ஆடியோ ஜாக் உள்ளது.

பக்கவாட்டில் கைரேகை சென்சார் கொண்டிருக்கும் டெக்னோ ஸ்பார்க் 8, 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இந்த ஸ்மார்ட்போன் அட்லான்டிக் புளூ, ஐரிஸ் பர்பில் மற்றும் டர்கியூஸ் சியான் நிறங்களில் கிடைக்கிறது. இதன் விலை ரூ. 7999 என நிர்ணயம் செய்யப்பட்டுள்ளது.