ஆட்டோமொபைல்
ஹோண்டா கார்களுக்கு ரூ. 57 ஆயிரம் வரையிலான சலுகை அறிவிப்பு
ஹோண்டா கார்ஸ் நிறுவனம் ஜூலை மாதத்திற்கான சிறப்பு சலுகைகளை அறிவித்து இருக்கிறது.
ஹோண்டா இந்தியா நிறுவனம் தனது கார் மாடல்களுக்கு சிறப்பு சலுகைகளை அறிவித்து இருக்கிறது. ஜாஸ், அமேஸ், நான்காம் தலைமுறை சிட்டி, ஐந்தாம் தலைமுறை சிட்டி மற்றும் WR-V போன்ற மாடல்களுக்கு சிறப்பு தள்ளுபடி, சலுகை வழங்கப்படுகிறது. இவை ஜூலை 31 ஆம் தேதி வரை வழங்கப்படுகிறது.
ஹோண்டா ஜாஸ் மாடலுக்கு ரூ. 34,095 வரையிலான சலுகை வழங்கப்படுகிறது. இவை ஹோண்டா ஜாஸ் அனைத்து வேரியண்ட்களுக்கும் வழங்கப்படுகிறது. ஹோண்டா அமேஸ் VMT மற்றும் VXMT பெட்ரோல் வேரியண்ட்களுக்கு ரூ. 33,998 வரையும், அமேஸ் S MT வேரியண்டிற்கு ரூ. 57,243 வரையிலான சலுகை வழங்கப்படுகிறது.
ஹோண்டா சிட்டி நான்கு மற்றும் ஐந்தாம் தலைமுறை மாடல்களுக்கு ரூ. 22 ஆயிரம் வரையிலான சலுகை வழங்கப்படுகிறது. ஹோண்டா WR-V மாடலுக்கு ரூ. 34,058 வரையிலான சலுகை வழங்கப்படுகிறது.