ரெட்மி நோட் 10டி 5ஜி இந்திய வெளியீட்டை உறுதிப்படுத்திய சியோமி

சியோமி நிறுவனம் ரெட்மி நோட் 10டி 5ஜி ஸ்மார்ட்போனினை இந்தியாவில் அறிமுகம் செய்ய இருக்கிறது. சில தினங்களுக்கு முன் பெயர் குறிப்பிடாமல் சியோமி, புது ஸ்மார்ட்போன் வெளியீட்டுக்கான டீசரை வெளியிட்டு இருந்தது. இந்த நிலையில், இந்த மாடல் ரெட்மி நோட் 10டி 5ஜி என தற்போது உறுதிப்படுத்தி இருக்கிறது. 

தோற்றத்தில் இந்த ஸ்மார்ட்போன் ஏற்கனவே சீனாவில் அறிமுகம் செய்யப்பட்ட ரெட்மி நோட் 10 5ஜி போன்றே காட்சியளிக்கிறது. அந்த வகையில் இதே மாடல் இந்தியாவில் ரெட்மி நோட் 10டி 5ஜி பெயரில் அறிமுகமாகும் என கூறப்படுகிறது. மேலும் இந்த ஸ்மார்ட்போன் மீடியாடெக் டிமென்சிட்டி 700 பிராசஸர் கொண்டிருக்கும் என எதிர்பார்க்கப்படுகிறது. 

அம்சங்களை பொருத்தவரை ரெட்மி நோட் 10டி 5ஜி மற்றும் போக்கோ எம்3 ப்ரோ 5ஜி மாடல்கள் இடையே அதிக வித்தியாசம் இருக்காது என கூறப்படுகிறது. சர்வதேச சந்தையில் அறிமுகமான ரெட்மி நோட் 10டி 5ஜி மாடலின் மற்றொரு வெர்ஷனாகவே போக்கோ எம்3 ப்ரோ 5ஜி இங்கு அறிமுகம் செய்யப்பட்டது.