தொழில்நுட்பம்
அடுத்த வாரம் இந்தியா வரும் விவோ 5ஜி ஸ்மார்ட்போன்
விவோ நிறுவனத்தின் புதிய V21e 5ஜி ஸ்மார்ட்போனின் இந்திய வெளியீட்டு தேதி அறிவிக்கப்பட்டு இருக்கிறது.
விவோ நிறுவனத்தின் புதிய V21e 5ஜி ஸ்மார்ட்போன் ஜூன் 24 ஆம் தேதி இந்திய சந்தையில் அறிமுகமாகிறது. முன்னதாக இதன் 4ஜி வேரியண்ட் ஏப்ரல் மாத வாக்கில் மலேசிய சந்தையில் அறிமுகம் செய்யப்பட்டது. இதன் 5ஜி வேரியண்ட் பின்புறம் கிரேடியன்ட் டிசைன், டூயல் பிரைமரி கேமரா சென்சார்களை கொண்டிருக்கிறது.
முன்னதாக இதன் வெளியீட்டை உணர்த்தும் வகையில் விவோ V21e 5ஜி ஸ்மார்ட்போன் விவரங்கள் கூகுள் பிளே கன்சோல் வலைதளத்தில் இடம்பெற்று இருந்தது. அம்சங்களை பொருத்தவரை விவோ V21e 5ஜி மாடலில் 6.44 இன்ச் FHD+AMOLED டிஸ்ப்ளே, மீடியாடெக் டிமென்சிட்டி 700 பிராசஸர் கொண்டிருக்கும் என தெரிகிறது.
இத்துடன் ஆண்ட்ராய்டு 11 சார்ந்த பன்டச் ஒஎஸ் 11.1, அதிகபட்சம் 8 ஜிபி ரேம், 128 ஜிபி மெமரி, 64 எம்பி பிரைமரி சென்சார், 8 எம்பி வைடு ஆங்கில் லென்ஸ், 32 எம்பி செல்பி கேமரா மற்றும் 4000 எம்ஏஹெச் பேட்டரி, 44 வாட் பாஸ்ட் சார்ஜிங் போன்ற அம்சங்கள் வழங்கப்படலாம்.