ஞாயிற்றுக்கிழமைகளில் மெட்ரோ ரெயிலில் பாதி கட்டணம்

சென்னை:

சென்னை மெட்ரோ ரெயில் நிறுவனம் வெளியிட்டுள்ள செய்திக்குறிப்பில் கூறியிருப்பதாவது:-

சென்னை வண்ணாரப்பேட்டை- விமானநிலையம், சென்னை சென்டிரல்- பரங்கிமலை இடையே 45 கி.மீ. தூரத்துக்கு மெட்ரோ ரெயில் இயக்கப்படுகிறது. பல்வேறு வசதிகளை அளிப்பதன் மூலம் தினமும் ஒரு லட்சத்துக்கும் மேற்பட்ட பயணிகள் மெட்ரோ ரெயிலை பயன்படுத்தி வருகின்றனர்.


அந்த வகையில் 27-ந்தேதி (ஞாயிற்றுக்கிழமை) தீபாவளி முதல் இந்த பாதி கட்டண சலுகை அமலுக்கு வருகிறது. மறுநாள் 28-ந்தேதி (திங்கட்கிழமை) அரசு விடுமுறை நாள், அதேபோல் வரும் டிசம்பர் 25-ந்தேதி கிறிஸ்துமஸ் பண்டிகை மற்றும் அனைத்து ஞாயிற்றுக்கிழமைகளிலும் இந்த சலுகை வழங்கப்படுகிறது. இதன் மூலம் கூடுதலான பயணிகள் பயன் அடைவார்கள் என்று எதிர்பார்க்கப்படுகிறது. தொடர்ந்து அடுத்த ஆண்டும் இந்த திட்டம் தொடர்வது குறித்து பின்னர் அறிவிக்கப்படும்.

இவ்வாறு அதில் கூறப்பட்டு உள்ளது.