ஆட்டோமொபைல்
ஆடி கியூ5

இந்தியாவில் ஆடி கார்களின் விலை குறைப்பு

Published On 2019-11-02 10:13 GMT   |   Update On 2019-11-02 10:13 GMT
ஆடி நிறுவனத்தின் தேர்வு செய்யப்பட்ட கார் மாடல்களின் விலை இந்தியாவில் குறைக்கப்பட்டுள்ளது.



இந்தியாவில் பத்தாவது ஆண்டு விழாவை கொண்டாடும் வகையில் ஆடி நிறுவனம் கியூ5 மற்றும் கியூ7 மாடல்களுக்கு சிறப்பு தள்ளுபடியை அறிவித்துள்ளது. 

அந்த வகையில் ஆடி கியூ5 45 TFSI பெட்ரோல் மற்றும் 40 TDI டீசல் மாடல்கள் தற்சமயம் முறையே ரூ. 49.99 லட்சம் (எக்ஸ்-ஷோரூம்) என்றும் ரூ. 71.99 லட்சம் (எக்ஸ்-ஷோரூம்) விலையில் விற்பனை செய்யப்படுகிறது. 

இதேபோன்று ஆடி கியூ7 45 TFSI பெட்ரோல் மாடல் ரூ. 68.9 லட்சம் (எக்ஸ்-ஷோரூம்), 45 TDI டீசல் மாடல் ரூ. 71.99 லட்சம் (எக்ஸ்-ஷோரூம்) விலையில் விற்பனை செய்யப்படுகிறது. புதிய அறிவிப்பின் படி ஆடி கியூ5 மாடல்களை ரூ. 5.9 லட்சம் வரை குறைந்த விலையிலும், ஆடி கியூ7 மாடல் விலை அதிகபட்சம் ரூ. 6.1 லட்சம் வரை குறைக்கப்பட்டுள்ளது.



ஆடி கியூ5 45 TFSI மாடல் 252 பி.ஹெச்.பி. பவர் வழங்கும் 2.0 லிட்டர் பெட்ரோல் என்ஜினும், 40 TDI டீசல் மாடல் 190 ஹெச்.பி. பவர் வழங்கும் 2.0 லிட்டர் மோட்டார் கொண்டிருக்கிறது. இவற்றுடன் 7-ஸ்பீடு டூயல் கிளட்ச் ஆட்டோமேடிக் டிரான்ஸ்மிஷன் வழங்கப்படுகிறது.

ஆடி கியூ7 45 TFSI பெட்ரோல் மற்றும் 45 TDI  டீசல் மாடல்களில் 249 ஹெச்.பி. வழங்கும் 3.0 லிட்டர் வி6 மோட்டார் வழங்கப்பட்டுள்ளது. இத்துடன் 8-ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.
Tags:    

Similar News