ஆட்டோமொபைல்
பஜாஜ் நிறுவனத்தின் அதிகம் எதிர்பார்க்கப்படும் பல்சர் 250 சீரிஸ் மாடல் விரைவில் அறிமுகம் செய்யப்பட இருக்கிறது.
பஜாஜ் ஆட்டோ நிறுவனம் புதிய பல்சர் 250 மோட்டார்சைக்கிளை அக்டோபர் 28 ஆம் தேதி அறிமுகம் செய்கிறது. இந்த மாடலுக்கான டீசர் வீடியோவை பஜாஜ் ஆட்டோ வெளியிட்டு உள்ளது. டீசரில் புதிய பல்சர் மாடல் விவரங்கள் வெளியாகி உள்ளது.
பஜாஜ் பல்சர் 250 மாடல் செமி பேர்டு டிசைன் கொண்டிருக்கிறது. இந்த மாடலில் ப்ரோஜெக்டர் எல்.இ.டி. ஹெட்லேம்ப், பூமராங் போன்ற டி.ஆர்.எல்.கள், ட்வின் ஸ்ட்ரிப் எல்.இ.டி. டெயில் லைட் வழங்கப்படுகிறது. இந்த மாடலில் முழுமையான டிஜிட்டல் இன்ஸ்ட்ரூமென்ட் கிளஸ்டர் வழங்கப்படுகிறது.
புதிய பல்சர் 250 மாடலில் 250சிசி என்ஜின் வழங்கப்படும் என தெரிகிறது. இந்த என்ஜின் 25 பி.ஹெச்.பி. வெளிப்படுத்தும் திறன் கொண்டிருக்கிறது. இந்த என்ஜின் ஏர் / ஆயில் கூல்டு யூனிட் ஆகும். இத்துடன் 17 இன்ச் அலாய் வீல்கள், டெலிஸ்கோபிக் போர்க், மோனோஷாக் யூனிட் மற்றும் ஒற்றை டிஸ்க் பிரேக் வழங்கப்படுகிறது.