தொழில்நுட்பம்
மொபைல் போன்

அதிவேக மொபைல் டேட்டா வழங்கும் நாடுகள்- இந்தியாவுக்கு இந்த இடமா?

Published On 2020-10-27 06:02 GMT   |   Update On 2020-10-27 06:02 GMT
அதிவேக மொபைல் டேட்டா வழங்கும் நாடுகள் பட்டியலில் இந்தியாவுக்கு எந்த இடம் என தொடர்ந்து பார்ப்போம்.


உலகளவில் ஸ்மார்ட்போன் பயனர்கள் அதிகம் கொண்ட நாடு இந்தியா. உலகின் மற்ற நாடுகளில் இருப்பதை விட இந்தியாவில் மொபைல் டேட்டாவுக்கான கட்டணமும் குறைவு. 

தற்சமயம் வெளியாகி இருக்கும் ஆய்வு அறிக்கையின் படி சர்வதேச சந்தையில் அதிவேக மொபைல் டேட்டா வழங்கும் நாடுகள் பட்டியலில் இந்தியா 131-வது இடம் பிடித்துள்ளது. தென் கொரியா, இலங்கை, நேபால் மற்றும் பாகிஸ்தான் உள்ளிட்ட நாடுகளை விட இந்தியாவில் மொபைல் டேட்டா வேகம் குறைவு ஆகும்.



ஆய்வு நிறுவனமான ஊக்லா வெளியிட்ட தகவல்களின் படி செப்டம்பர் மாதத்தில் இந்திய சந்தையில் மொபைல் டேட்டா டவுன்லோட் வேகம் சராசரியாக 12.07Mbps ஆக இருந்துள்ளது. சர்வதேச அளவில் மொபைல் டேட்டா வேகம் சராசரியாக 35.06Mbps ஆக இருக்கிறது.

அதிவேக மொபைல் டேட்டா வழங்கும் நாடுகள் பட்டியலில் நேபால், பாகிஸ்தான் மற்றும் இலங்கை உள்ளிட்ட நாடுகள் முறையே 102, 116 மற்றும் 117-வது இடங்களை பிடித்துள்ளன. 

பிராட்பேண்ட் வேகத்தை பொருத்தவரை இந்தியா 70-வது இடத்தில் உள்ளது. இந்தியாவில் பிராட்பேண்ட் டவுன்லோட் வேகம் சராசரியாக 46.47Mbps ஆக இருக்கிறது.

Tags:    

Similar News