தொழில்நுட்பம்
எம்ஐ QLED டிவி 4கே டீசர்

சியோமி Mi QLED டிவி 4கே இந்திய வெளியீட்டு விவரம்

Published On 2020-12-08 05:56 GMT   |   Update On 2020-12-08 05:56 GMT
சியோமி நிறுவனத்தின் புதிய Mi QLED டிவி 4கே மாடல் விரைவில் இந்தியாவில் அறிமுகமாக இருக்கிறது.


சியோமி நிறுவனம் தனது Mi QLED டிவி 4கே மாடலைஇந்தியாவில் டிசம்பர் 16 ஆம் தேதி அறிமுகம் செய்ய இருக்கிறது. இந்த டிவி ஃப்ளிப்கார்ட் தளத்தில் மட்டும் பிரத்யேகமாக விற்பனை செய்யப்படுகிறது. இதுதவிர எம்ஐ வலைதளம் மற்றும் எம்ஐ ஸ்டோர்களிலும் இந்த டிவி கிடைக்கும்.

முன்னதாக கடந்த ஆண்டு நவம்பர் மாதத்தில் சியோமி நிறுவனம் பல்வேறு QLED டிவி மாடல்களை எம்ஐ டிவி 5 ப்ரோ சீரிசில் சீன சந்தையில் அறிமுகம் செய்தது. இந்தியாவில் புதிய 55 இன்ச் QLED டிவி 4கே மாடலை மேக் இன் இந்தியா திட்டத்தின் கீழ் வெளியிட சியோமி திட்டமிட்டுள்ளது.

டீசர்களின் படி புதிய டிவி குவாண்டம் டாட் ஸ்கிரீன் கொண்டிருக்கும் என்றும் இது டால்பி விஷன், ஹெச்டிஆர் 10 பிளஸ், டால்பி ஆடியோ, டிடிஎஸ் ஹெச்டி மற்றும் ஹெச்டிஎம்ஐ 2.1 கனெக்டிவிட்டி கொண்டிருக்கும் என தெரியவந்துள்ளது. இந்த டிவி ஆண்ட்ராய்டு டிவி இயங்குதளம் சார்ந்த சியோமி பேட்ச்வால் தொழில்நுட்பம் கொண்டு இயங்குகிறது.

Tags:    

Similar News