வயிற்றில் தேங்கி இருக்கும் கொழுப்பை கரைக்கும் துலாசனம்

செய்முறை

தரையின் மீது யோகாசன விரிப்பை விரித்து கொள்ளவும். அதன் மேல் கால்களை நேராக நீட்டியவாறு அமர்ந்து கொள்ளவும்.

பின்பு இடது கால் மேலே இருக்கும் படியாக சம்மணமிட்டு உட்காரவும். 2 கைகளையும் இடுப்புக்கு பக்கவாட்டில் உள்ளங்கைகள் தரையில் படும்படி ஊன்றிக்கொள்ள வேண்டும். இப்போது மூச்சை ஆழமாக உள்ளே இழுத்து நிதானமாக வெளியே விட வேண்டும்.

கைகளுக்கு அழுத்தம் கொத்தவாறு உடம்பை தரையிலிருந்து மேலே தூக்கவும். இந்த நிலையில் 30 வினாடிகள் இருந்து பின்பு மெதுவாக மீண்டும் தரையில் உட்காரவும்.

பலன்கள்

அஜீரணம், மலச்சிக்கல், போன்ற வயிற்று கோளாறுகளை குணப்படுத்தும். வயிற்றில் தேங்கி இருக்கும் கொழுப்பை கரைக்கும். முன் கைத்தசைகளையும், தொடைகளின் பின்பகுதி தசைகளையும் வலுப்படுத்தும். இடுப்பு தொடைகள், கால் மூட்டுகள், கணுக்கால்கள் மற்றும் கெண்டைக்கால் தசைகளையும் வலுவாக்கும்.

தவிர்க்க வேண்டியவர்கள்

முதுகு, இடுப்பு, முழங்கை, கால் முட்டிகள், தண்டுவடம், முதுகெலும்புகள் போன்ற பாகங்களில் காயம் இருந்தாலோ அல்லது அறுவை சிகிச்சை மேற்கொண்டிருந்தாலோ துலாசனம் செய்வதை தவிர்க்க வேண்டும்.