இந்தியாவில் நோக்கியா 2.2 ஸ்மார்ட்போன் விலை குறைப்பு

ஹெச்.எம்.டி. குளோபல் நிறுவனம் நோக்கியா 2.2 ஸ்மார்ட்போனின் விலையை குறைப்பதாக மீண்டும் அறிவித்துள்ளது. கடந்த மாதம் நோக்கியா 2.2 மற்றும் நோக்கியா 3.2 ஸ்மார்ட்போன்களின் விலை குறைக்கப்பட்டதை தொடர்ந்து நோக்கியா 2.2 விலை மீண்டும் குறைக்கப்படுகிறது.

விலை குறைப்பின் படி நோக்கியா 2.2 ஸ்மார்ட்போனின் 2 ஜி.பி. ரேம் மாடல் ரூ. 5,999 விலையில் விற்பனை செய்யப்படுகிறது. இதன் 3 ஜி.பி. ரேம் மாடல் ரூ. 6,999 விலையில் விற்பனை செய்யப்படுகிறது. புதிய விலை நோக்கியா இந்தியா ஆன்லைன் தளம், ஃப்ளிப்கார்ட் வலைத்தளத்தில் மாற்றப்பட்டு இருக்கிறது.

இந்தியாவில் நோக்கியா 2.2 ஸ்மார்ட்போன் 2 ஜி.பி. ரேம், 16 ஜி.பி. மெமரி மாடல் ரூ. 7,699 விலையிலும், 3 ஜி.பி. ரேம், 32 ஜி.பி. மெமரி மாடல் ரூ. 8699 விலையில் வெளியிடப்பட்டது. கடந்த மாதம் இதன் விலை குறைக்கப்படு ரூ. 6,599 விலையில் விற்பனை செய்யப்பட்டது.

சிறப்பம்சங்களை பொருத்தவரை நோக்கியா 2.2 ஸ்மார்ட்போனில் 5.71 இன்ச் ஹெச்.டி. பிளஸ் ஸ்கிரீன், மீடியாடெக் ஹீலியோ ஏ22 12 என்.எம். பிராசஸர், 3 ஜி.பி. ரேம், ஆண்ட்ராய்டு 9.0 (பை) இயங்குதளம் வழங்கப்பட்டுள்ளது. இத்துடன் இரண்டு ஆண்டுகளுக்கு ஆண்ட்ராய்டு அப்டேட்களும், மூன்று ஆண்டுகளுக்கான செக்யூரிட்டி அப்டேட்டகளை வழங்குவதாக அறிவித்தது.

புகைப்படங்களை எடுக்க 13 எம்.பி. பிரைமரி கேமரா, ஏ.ஐ. லோ-லைட் அம்சம், ஹெச்.டி.ஆர். மோட், 5 எம்.பி. செல்ஃபி கேமரா, ஃபேஸ் அன்லாக் உள்ளிட்டவை வழங்கப்பட்டுள்ளது. பிரத்யேக டூயல் சிம் ஸ்லாட், மைக்ரோ எஸ்.டி. ஸ்லாட் கொண்டிருக்கும் நோக்கியா 2.2 ஸ்மார்ட்போனில் கூகுள் அசிஸ்டண்ட் பட்டன் மற்றும் 3000 எம்.ஏ.ஹெச். பேட்டரி வழங்கப்பட்டுள்ளது.