ஸ்மித்திடம் பேட்டிங் டெக்னிக் இல்லை என்கிறார் சோயிப் அக்தர்

ஆஸ்திரேலிய அணியின் முன்னணி பேட்ஸ்மேன் ஸ்டீவ் ஸ்மித். இவர் ஆஷஸ் தொடரில் அபாரமான ஆட்டத்தை வெளிப்படுத்தினார். ஸ்மித்தின் பேட்டிங் ஸ்டைல் தொழில்முறை கிரிக்கெட் வீரருக்கான ஸ்டைலை ஒத்திருக்கவில்லை. அவர் டெக்னிக்கலாக விளையாடாவிட்டாலும் வேகப்பந்து வீச்சு, சுழற்பந்து வீச்சை துவம்சம் செய்தார்.

அவரது பேட்டிங் ஸ்டைலை பார்த்தால் தொழில்முறை கிரிக்கெட் வீரர்கள் பேட்டிங் செய்தது போல் இருக்காது. இந்த நிலையில் ஸ்மித்திடம் பேட்டிங் டெக்னிக் இல்லை என்று சோயிப் அக்தர் தெரிவித்துள்ளார்.

இதுகுறித்து சோயிப் அக்தர் கூறுகையில் ‘‘ஸ்மித் இவ்வளவு சிறப்பாக விளையாடுவது எனக்கு ஆச்சர்யம் அளிக்கிறது. ஸ்டீவ் ஸ்மித்தின் ஆட்டத்தை நீங்கள் பார்த்தீர்கள் என்றால், அவரிடம் எந்த டெக்னிக்கும், ஸ்டைலும் இல்லை. ஆனால், இன்னும் அவருக்கு பயனளிக்கும் வகையாக உள்ளது.

அவர் எப்படி சிறப்பாக விளையாடுகிறார் என்று எனக்குத் தெரியவில்லை. என்னுடைய காலக்கட்டத்தில் அவர் விளையாடியிருந்தால், அவரை பந்து வீச்சால் தாக்கியிருப்பேன். அவரை காயப்படுத்த முயற்சி செய்திருப்பேன்’’ என்றார்.