இணையத்தில் லீக் ஆன பிக்சல் 6 ப்ரோ அம்சங்கள்

கூகுள் நிறுவனத்தின் பிக்சல் 6 மற்றும் பிக்சல் 6 ப்ரோ மாடல்கள் இந்த ஆண்டு இலையுதிர்காலத்தில் அறிமுகம் செய்யப்பட இருக்கின்றன. புதிய பிக்சல் ஸ்மார்ட்போன்கள் கூகுளின் சொந்த டென்சார் சிப்செட் கொண்டிருக்கும் என ஏற்கனவே அறிவிக்கப்பட்டுவிட்டது. 

இந்த நிலையில், புதிய பிக்சல் 6 ப்ரோ அம்சங்கள் இணையத்தில் வெளியாகி உள்ளது. அதன்படி புதிய பிக்சல் 6 ப்ரோ மாடலில் 6.71 இன்ச் 3120x1440 பிக்சல் வளைந்த பி.ஒ.எல்.இ.டி. டிஸ்ப்ளே, கூகுள் டென்சார் பிராசஸர், அதிகபட்சம் 12 ஜிபி ரேம், 512 ஜிபி மெமரி கொண்டிருக்கும் என கூறப்படுகிறது.

இத்துடன் 50 எம்பி பிரைமரி கேமரா, 12 எம்பி அல்ட்ரா வைடு கேமரா, 48 எம்பி டெலிபோட்டோ கேமரா, 12 எம்பி செல்பி கேமரா, இன்-டிஸ்ப்ளே கைரேகை சென்சார், யு.எஸ்.பி. டைப்-சி, 5ஜி, 4ஜி வோல்ட்இ, வைபை, ப்ளூடூத் 5.2, 5000 எம்.ஏ.ஹெச். பேட்டரி மற்றும் பாஸ்ட் சார்ஜிங் வசதி வழங்கப்படும் என தெரிகிறது.