ஆன்மிகம்
அழகப்பபுரத்தில் இன்று கிறிஸ்துமஸ் பாடல் பவனி
கிறிஸ்தவர்களின் முக்கிய விழாவான கிறிஸ்துமஸ் பெருவிழா 25-ந் தேதி கொண்டாடப்படுகிறது. இதை முன்னிட்டு அழகப்பபுரம் புனித அந்தோணியார் ஆலயத்தில் கிறிஸ்துமஸ் பாடல் ரத பவனி இன்று (திங்கட்கிழமை) தொடங்கி 3 நாட்கள் நடக்கிறது.
கிறிஸ்தவர்களின் முக்கிய விழாவான கிறிஸ்துமஸ் பெருவிழா 25-ந் தேதி கொண்டாடப்படுகிறது. இதை முன்னிட்டு அழகப்பபுரம் புனித அந்தோணியார் ஆலயத்தில் கிறிஸ்துமஸ் பாடல் ரத பவனி இன்று (திங்கட்கிழமை) தொடங்கி 3 நாட்கள் நடக்கிறது. இன்று மாலை 6.30 மணிக்கு அழகப்பபுரம் பங்கின் கிளை பங்குகளான வளன்நகர், பொட்டல்குளம், புன்னார்குளம், இந்திராநகர் ஆகிய ஊர்களில் நடக்கிறது.
நாளை (செவ்வாய்க்கிழமை) மாலை 6.30 மணிக்கு அழகப்பபுரம் நவமணி சாலையில் இருந்து பவனி ரதம் புறப்பட்டு முக்கிய தெருக்கள் வழியாக சென்று இரவு 9.30 மணிக்கு ஆலயத்தை சென்றடையும். நாளை மறுநாள் (புதன்கிழமை) மாலை 6.30 மணிக்கு மார்க்கெட் தெருவில் இருந்து புறப்பட்டு முக்கிய தெருக்கள் வழியாக சென்று இரவு 9.30 மணிக்கு ஆலயத்தை சென்றடையும்