பட்ஜெட் விலையில் புதிய ரியல்மி ஸ்மார்ட்போன் இந்தியாவில் அறிமுகம்

ரியல்மி பிராண்டு இந்தியாவில் புதிய பட்ஜெட் விலை ஸ்மார்ட்போனினை அறிமுகம் செய்துள்ளது. இது கடந்த ஆண்டு அறிமுகமான சி1 ஸ்மார்ட்போனின் மேம்பட்ட மாடல் ஆகும்.

புதிய ரியல்மி சி2 ஸ்மார்ட்போனில் 6.1 இன்ச் ஹெச்.டி. பிளஸ் டியூ-டிராப் டிஸ்ப்ளே, மீடியாடெக் ஹீலியோ P22 சிப்செட், 3 ஜி.பி. ரேம், கலர் ஓ.எஸ். 6.0 சார்ந்த ஆண்ட்ராய்டு 9.0 பை இயங்குதளம் கொண்டிருக்கிறது. 

புகைப்படம் எடுக்க 13 எம்.பி. பிரைமரி கேமரா, 2 எம்.பி. இரண்டாவது பிரைமரி கேமரா மற்றும் 5 எம்.பி. செல்ஃபி கேமரா, ஏ.ஐ. செல்ஃபி, ஏ.ஐ. ஃபேஸ் அன்லாக் உள்ளிட்டவை வழங்கப்பட்டுள்ளது. இத்துடன் பிரத்யேக டூயல் சிம் ஸ்லாட், மைக்ரோ எஸ்.டி. ஸ்லாட், மற்றும் 4000 எம்.ஏ.ஹெச். பேட்டரி வழங்கப்பட்டுள்ளது.

- 6.1 இன்ச் 1560x720 பிக்சல் 19.5:9 டியூ-டிராப் 2.5D வளைந்த கிளாஸ் டிஸ்ப்ளே

- 2 ஜிகாஹெர்ட்ஸ் ஆக்டாகோர் மீடியாடெக் ஹீலியோ P22 12 என்.எம். பிராசஸர்

- 650MHz IMG பவர் வி.ஆர். GE8320 GPU

- 2 ஜி.பி. ரேம், 16 ஜி.பி. மெமரி

- 3 ஜி.பி. ரேம், 32 ஜி.பி. மெமரி

- மெமரியை கூடுதலாக நீட்டிக்கும் வசதி

- கலர் ஓ.எஸ். 6.0 சார்ந்த ஆண்ட்ராய்டு 9.0 (Pie)

- டூயல் சிம் ஸ்லாட்

- 13 எம்.பி. பிரைமரி கேமரா, எல்.இ.டி. ஃபிளாஷ், f/2.2, PDAF

- 2 எம்.பி. இரண்டாவது பிரைமரி கேமரா

- 5 எம்.பி. செல்ஃபி கேமரா, 1.12μm

- ஃபேஸ் அன்லாக்

- டூயல் 4ஜி வோல்ட்இ, வைபை, ப்ளூடூத்

- 4000 எம்.ஏ.ஹெச். பேட்டரி

ரியல்மி சி2 ஸ்மார்ட்போன் டைமன்ட் புளு மற்றும் டைமன்ட் பிளாக் என இருவித நிறங்களில் கிடைக்கிறது. இதன் 2 ஜி.பி. ரேம் விலை ரூ.5,999 என்றும் 3 ஜி.பி. ரேம் விலை ரூ.7,999 என நிர்ணயம் செய்யப்பட்டுள்ளது. 

இதன் விற்பனை மே 15 ஆம் தேதி துவங்குகிறது. இத்துடன் ஜியோ வாடிக்கையாளர்களுக்கு ரூ.5,300 மதிப்புள்ள பலன்கள் வழங்கப்படுகிறது.