திருமயம் அருகே வாகனம் மோதி விவசாயி பலி

திருமயம்:

திருமயம் அருகே உள்ள சின்ன குளத்துப்பட்டி கிராமத்தை சேர்ந்தவர் அடைக்கன் (வயது 70). விவசாயி. இவர், நேற்று முன்தினம் இரவு சின்ன குளத்துப்பட்டி சவேரியார் புரம் அருகே நடந்து சென்று கொண்டிருந்தார். அப்போது அந்த வழியாக சென்ற அடையாளம் தெரியாத வாகனம், அடைக்கன் மீது மோதியது. இதில் படுகாயமடைந்த அடைக்கன் சம்பவ இடத்திலேயே பரிதாபமாக இறந்தார். இதுகுறித்து திருமயம் போலீசார் வழக்குப்பதிவு செய்து விசாரணை நடத்தி வருகின்றனர்.