புது மோட்டார்சைக்கிளுக்கு அசத்தல் டீசர் வெளியிட்ட டி.வி.எஸ்.

டி.வி.எஸ். மோட்டார் கம்பெனி நிறுவனம் தனது புதிய மோட்டார்சைக்கிள் மாடலுக்கான டீசரை வெளியிட்டு உள்ளது. விரைவில் அறிமுகமாக இருக்கும் டி.வி.எஸ். மோட்டார்சைக்கிள் பியூவல் டேன்க் மீது 3டி லோகோ உள்ளது. 

இத்துடன் எல்.இ.டி. ஹெட்லைட், எல்.இ.டி. டெயில் லைட் உள்ளிட்டவை காணப்படுகின்றன. இந்த மோட்டார்சைக்கிள் புளூ, ரெட், எல்லோ மற்றும் பிளாக் என நான்குவித நிறங்களில் கிடைக்கும் என தெரியவந்துள்ளது. புதிய டி.வி.எஸ். மோட்டார்சைக்கிள் டூயல்-டோன் பினிஷ், டிஜிட்டல் இன்ஸ்ட்ரூமென்ட் கிளஸ்டர் கொண்டிருக்கிறது.

இதன் டிஜிட்டல் டிஸ்ப்ளே ஸ்பீடோமீட்டர், பியூவல் காஜ், கடிகாரம் மற்றும் இதர விவரங்களை காண்பிக்கிறது. இந்த மாடலில் வழங்கப்பட இருக்கும் மெக்கானிக்கல் அம்சங்கள் பற்றி இதுவரை எந்த தகவலும் இல்லை. புதிய டி.வி.எஸ். மோட்டார்சைக்கிள் செப்டம்பர் 16 ஆம் தேதி அறிமுகம் செய்யப்பட இருக்கிறது.