தொழில்நுட்பம்
சாம்சங்

எக்சைனோஸ் பிராசஸர் கொண்ட சாம்சங் லேப்டாப் வெளியீட்டு விவரம்

Published On 2021-02-25 11:51 GMT   |   Update On 2021-02-25 11:51 GMT
எக்சைனோஸ் பிராசஸர், விண்டோஸ் 10 ஒஎஸ் கொண்ட லேப்டாப்களை சாம்சங் நிறுவனம் அறிமுகம் செய்ய இருப்பதாக தகவல் வெளியாகி உள்ளது.


சாம்சங் நிறுவனம் விண்டோஸ் 10 கணினி ஒன்றை உருவாக்கி வருவதாக தகவல் வெளியாகி உள்ளது. இது ARM கட்டமைப்பில் எக்சைனோஸ் பிராசஸர் கொண்டிருக்கும் என கூறப்படுகிறது. இந்த சாதனம் இந்த ஆண்டின் இரண்டாவது அரையாண்டு வாக்கில் அறிமுகம் செய்யப்படலாம்.

புதிய கணினியில் AMD GPU-க்கள் வழங்கப்படலாம் என்றும் கூறப்படுகிறது. முன்னதாக சாம்சங் நிறுவனம் விண்டோஸ் 10 லேப்டாப் ஒன்றை கேலக்ஸி புக் எஸ் எனும் பெயரில் விற்பனை செய்கிறது. இதுவும் ARM சார்ந்த மாடல் ஆகும். இந்த லேப்டாப் முதலில் குவால்காம் பிராசஸர் கொண்டிருந்தது. பின் இதில் இன்டெல் சார்ந்த சிபியு வழங்கப்பட்டது.



ஆப்பிள் நிறுவனம் ARM சார்ந்த ஆப்பிள் சிலிகான் எம்1 சிப் கொண்ட சாதனங்களை அறிமுகம் செய்து, நல்ல வரவேற்பை பெற்று வருகிறது. அந்த வகையில் தற்சமயம் சாம்சங் நிறுவனமும் இதைபோன்று ARM சார்ந்த சாதனங்களை உருவாக்கி வருகிறது. 
Tags:    

Similar News