தொழில்நுட்பம்
ஹானர் டீசர்

விரைவில் இந்தியா வரும் பாப் அப் கேமரா, கிரின் 810 பிராசஸர் கொண்ட ஹானர் ஸ்மார்ட்போன்

Published On 2020-05-08 05:54 GMT   |   Update On 2020-05-08 05:54 GMT
பாப் அப் கேமரா, கிரின் 810 பிராசஸர் கொண்ட ஹானர் 9எக்ஸ் ப்ரோ ஸ்மார்ட்போனின் இந்திய வெளியீட்டு விவரங்களை பார்ப்போம்.



ஹூவாயின் ஹானர் பிராண்டு ஹானர் 9எக்ஸ் ப்ரோ ஸ்மார்ட்போனினை சர்வதேச சந்தையில் ஏற்கனவே அறிமுகம் செய்துவிட்டது. தற்சமயம் இந்த ஸ்மார்ட்போன் இந்திய சந்தையில் அறிமுகம் செய்யப்பட இருக்கிறது. முன்னதாக ஹானர் 9எக்ஸ் ஸ்மார்ட்போன் இந்தியாவில் இந்த ஆண்டு ஜனவரி மாத வாக்கில் அறிமுகம் செய்யப்பட்டது குறிப்பிடத்தக்கது.

சிறப்பம்சங்களை பொருத்தவரை ஹானர் 9எக்ஸ் ப்ரோ ஸ்மார்ட்போனில் 6.59 இன்ச் FHD பிளஸ் நோ-நாட்ச் எல்சிடி டிஸ்ப்ளே, கிரின் 810 பிராசஸர், 6 ஜிபி ரேம், NINE லிக்விட் கூலிங் வசதி வழங்கப்படுகிறது. இதில் ஆண்ட்ராய்டு பை சார்ந்த EMUI 9.1 ஹூவாய் மொபைல் சர்வீசஸ் சேவையுடன் வழங்கப்படுகிறது.

புகைப்படங்களை எடுக்க 48 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 2 எம்பி டெப்த் சென்சார், 16 எம்பி பாப் அப் செல்பி கேமரா, பக்கவாட்டில் கைரேகை சென்சார், 4000 எம்ஏஹெச் பேட்டரி வழங்கப்பட்டுள்ளது.



ஹானர் 9எக்ஸ் ப்ரோ சிறப்பம்சங்கள்

- 6.59 இன்ச் 2340x1080 பிக்சல் ஃபுல் ஹெச்டி பிளஸ் வளைந்த கிளாஸ் டிஸ்ப்ளே
- ஆக்டா-கோர் கிரின் 810 பிராசஸர்
- ARM மாலி MP6 GPU
- 6 ஜிபி ரேம்
- 256 ஜிபி மெமரி
- ஆண்ட்ராய்டு 9 பை மற்றும் EMUI, HMS
- டூயல் சிம் ஸ்லாட்
- 48 எம்பி பிரைமரி கேமரா, எல்இடி ஃபிளாஷ், f/1.8
- 8 எம்பி அல்ட்ரா வைடு சென்சார், f/2.4
- 2 எம்பி டெப்த் கேமரா, f/2.4
- 16 எம்பி செல்ஃபி கேமரா, f/2.2
- பக்கவாட்டில் கைரேகை சென்சார்
- டூயல் 4ஜி வோல்ட்இ, வைபை, ப்ளூடூத் 5
- யுஎஸ்பி டைப்-சி
- 4000 எம்ஏஹெச் பேட்டரி
- 10 வாட் சார்ஜிங்

இந்தியாவில் புதிய ஹானர் 9எக்ஸ் ப்ரோ ஸ்மார்ட்போனின் விலை ரூ.15 ஆயிரத்தில் துவங்கி ரூ. 20 ஆயிரம் வரை நிர்ணயம் செய்யப்படலாம் என கூறப்படுகிறது. புதிய ஹானர் ஸ்மார்ட்போனில் கூகுள் பிளே சர்வீஸ் மற்றும் பிளே ஸ்டோருக்கு மாற்றாக ஹூவாய் ஆப் கேலரி வழங்கப்படலாம் என கூறப்படுகிறது.
Tags:    

Similar News