தொழில்நுட்பம்
சியோமி டீசர்

ரெட்மியின் 64 எம்.பி. கேமரா கொண்ட ஸ்மார்ட்போன்

Published On 2019-08-07 11:35 GMT   |   Update On 2019-08-07 11:35 GMT
சியோமி நிறுவனத்தின் 64 எம்.பி. கேமரா கொண்ட ரெட்மி ஸ்மார்ட்போன் வெளியீட்டு விவரங்களை பார்ப்போம்.



தொழில்நுட்ப சந்தையில் 64 எம்.பி. பிரைமரி கேமரா கொண்ட ஸ்மார்ட்போனை அறிமுகம் செய்வதாக அறிவித்த நிறுவனங்களில் சியோமியும் ஒன்று. இதன் புதிய ரெட்மி ஸ்மார்ட்போன் சாம்சங்கின் 1/7″ 0.8-மைக்ரோமீட்டர் (μm) 64 எம்.பி. ISOCELL பிரைட் GW1 சென்சாருடன் அறிமுகமாக இருக்கிறது. 

இது 48 எம்.பி. சென்சாரை விட 38 சதவிகிதம் பெரிது என்பதால், இது புதிய ஸ்மார்ட்போனில் 9248x6936 பிக்சல் ரெசல்யூஷனில் புகைப்படங்களை வழங்கும். இதை கொண்டு 3.26 மீட்டர் (244 செ.மீ.x326 செ.மீ) அளவு போஸ்டரை மிகத் தெளிவாக அச்சிட முடியும். இத்துடன் 64 எம்.பி. கேமரவில் எடுக்கப்பட்ட புகைப்படமும் பதிவிடப்பட்டிருக்கிறது.



இந்த சென்சார் 1.6μm பிக்சல்களை 4-இன்-1 பிக்சல் தொழில்நுட்பத்தை பயன்படுத்துகிறது. இது குறைவான வெளிச்சமுள்ள பகுதிகளிலும் அதிக தரமுள்ள புகைப்படங்களை எடுக்க வழி செய்யும். இதன் ஸ்மார்ட் ஐ.எஸ்.ஒ. டூயல் கன்வெர்ஷன் கெயின் தொழில்நுட்பத்தை பயன்படுத்தி ஐ.எஸ்.ஒ. தரத்தை மேம்படுத்துகிறது.

சியோமி நிறுவனம் எதிர்காலத்தில் 100 எம்.பி. அல்ட்ரா க்ளியர் கேமரா கொண்ட ஸ்மார்ட்போனை அறிமுகம் செய்யும் முன்னணி நிறுவனங்ளில் ஒன்றாக சியோமி இருக்கும் என தெரிவித்துள்ளது. இது சாம்சங் நிறுவனத்தின் 108 எம்.பி. ISOCELL சென்சார் கொண்டிருக்கும். இது 12032x9024 பிக்சல் தரத்தில் புகைப்படங்களை வழங்கும்.

ரெட்மியின் 64 எம்.பி. கேமரா கொண்ட ஸ்மார்ட்போன் இந்தியாவில் 2019 நான்காவது காலாண்டில் அறிமுகம் செய்யப்படுகிறது. இது அக்டோபர் முதல் டிசம்பர் வரையிலான காலக்கட்டத்தில் அறிமுகமாகும் என தெரிகிறது. 
Tags:    

Similar News