செய்திகள்
கொரோனா பரிசோதனை

மொத்த பாதிப்பு 93 லட்சம், குணமடைந்தவர்கள் 87.18 லட்சம்- இந்தியா கொரோனா அப்டேட்ஸ்

Published On 2020-11-27 05:19 GMT   |   Update On 2020-11-27 05:19 GMT
இந்தியாவில் கொரோனாவால் பாதிக்கப்பட்டோரின் மொத்த எண்ணிக்கை 93 லட்சத்தை தாண்டிய நிலையில், 87.18 லட்சம் பேர் குணமடைந்துள்ளனர்.
புதுடெல்லி:

இந்தியாவில் கொரோனா வைரஸ் பரவல் வேகம் மீண்டும் அதிகரிக்கத் தொடங்கி உள்ளது. தினசரி புதிய பாதிப்புகள் கடந்த மாதம் வெகுவாக குறைந்த நிலையில், கடந்த சில தினங்களாக பாதிப்பு எண்ணிக்கை 40 ஆயிரத்தை தாண்டி பதிவாகிறது. அதேசமயம், நாடு முழுவதும் குணமடையும் எண்ணிக்கை தொடர்ந்து அதிகரித்து வருகிறது. 
 
இந்நிலையில், இன்று காலை மத்திய சுகாதார அமைச்சகம் வெளியிட்ட தகவலின்படி இந்தியாவில் கொரோனாவால் பாதிக்கப்பட்டவர்களின் மொத்த எண்ணிக்கை 93 லட்சத்தை தாண்டியது. மொத்த பாதிப்பு 93,09,788 ஆக உள்ளது. கடந்த 24 மணி நேரத்தில் 43,082 பேருக்கு கொரோனா தொற்று உறுதி செய்யப்பட்டுள்ளது. 492 பேர் மரணம் அடைந்துள்ளனர். இதன்மூலம் கொரோனா வைரசால் உயிரிழந்தவர்களின் மொத்த எண்ணிக்கை 1,35,715 ஆக உயர்ந்துள்ளது. 

கொரோனா பாதிப்பில் இருந்து குணமடைந்தவர்களின் எண்ணிக்கை 87,18,517 ஆக உயர்ந்துள்ளது. நேற்று மட்டும் 39,379 பேர் குணமடைந்துள்ளனர். 

நாடு முழுவதிலும் உள்ள பல்வேறு மருத்துவமனைகளில் 4,55,555 பேர் சிகிச்சை பெற்றுவருகின்றனர். உயிரிழப்பு 1.46 சதவீதமாகவும், குணமடையும் விகிதம் 93.65 சதவீதமாகவும் உள்ளது.
Tags:    

Similar News